Çərşənbə axşamı , Noyabr 24 2020
Ana səhifə / Siyasət / İcra başçısının oğlu haqda sensasion iddia – 20 minlik qalmaqal

İcra başçısının oğlu haqda sensasion iddia – 20 minlik qalmaqal

Ağdam rayonunun icra başçısı Raqub Məmmədovla bağlı baş prokuror Zakir Qaralova şikayət edilib. 
Bu barədə YeniCag.az-a daxil olan xəbərdə deyilir ki, icra başçısının oğlu Sənan Məmmədzadə rayonun icra nümayəndələrindən birinə 20 min dollar “atıb”.
Şikayət məktubunda deyilir ki, bir müddət öncə S.Məmmədzadə icra nümayəndəsindən 20 min dollar borc istəyib və bir ay müddətinə geri qaytaracağını bildirib. Lakin 8 ay keçsə də, borc geri qaytarılmayıb. Əvəzində isə Sənan Məmmədzadə həmin icra nümayəndəsini təhdid etməklə məşğul olub.
Oğlunun şıltaqlıqlarından Raqub Məmmədova şikayət etdikdə isə icra nümayəndəsi işini itirməklə üzləşib. Yəni, “it də gedib, ip də”. Adı bizə bəlli olan, ancaq müəyyən səbəblərdən adını açıqlamadığımız icra nümayəndəsi bildirir ki, icra başçısı və oğlu pulunu qaytarmadıqları kimi, özünü də həbs olunmaqla hədələyirlər. Bildirirlər ki, bu pul neçə illik işləməyinin “əvəz”idir, əks halda “yoxlama” aparıb, özünü “içəri”də çürüdərlər.
Raqub Məmmədov
Prezident Adminstrasiyasının rəhbəri Ramiz Mehdiyevə və baş prokurora ünvanlanan məktubda borcun qaytarılmasına və şəxsin qanunsuz olaraq işdən çıxarılmasının araşdırılaraq, yenidən öz vəzifəsinə bərpa olunmasına şərait yaradılmasını xahiş edir.
Qeyd edək ki, icra başçısının oğlu Sənan Məmmədzadə ən son cəbhə bölgəsindən çəkdirdiyi şəkilləri sosial mediada paylaşaraq, hərbi sirri yaymaqda ittiham olunmuşdu.

Həmçinin oxuyun

Türk hərbçilərinin Qarabağa gəlişi nə zaman baş tutacaq

Türkiyə Böyük Millət Məclisinin türk hərbçilərinin Azərbaycana göndərilməsi ilə bağlı qanun layihəsini təsdiqləməsindən bir həftə …

Bir cavab yazın