İş adamı Hacı İbrahim Nehrəmlinin satışa çıxardığı “Avesta” konserninin yerləşdiyi çoxmərtəbəli binada hazırda kimsə yoxdur.
Konsernin sözügedən binasına baş çəkən Axar.az əməkdaşı orada heç kimin olmadığının öyrənib. Bu haqda əməkdaşımıza binaya girmək üçün izn olmadığını bildirən mühafizəçi məlumat verib.
Onu da bildirək ki, “Avesta” konserninin yanında yerləşən “Khazar İselands”ın satış mərkəzinin qərarlaşdığı binaya vurulmuş üzlüklərin də söküntüsünə başlanılıb.
Xatırladaq ki, iş adamı Hacı İbrahim Nehrəmlinin sahibi olduğu “Avesta” holdinqin binasını satışa çıxardığı bildirilmişdi. İş adamı binaya 45 milyon manat qiymət qoysa da, sonradan 23 milyona razılaşacağı da qeyd olunmuşdu.