Ana səhifə / Siyasət / Gürcüstanda azərbaycanlıların yaşadıqları Qardabani rayonunda “Ədliyyə evi” inşa olunacaq

Gürcüstanda azərbaycanlıların yaşadıqları Qardabani rayonunda “Ədliyyə evi” inşa olunacaq

Gürcüstanda azərbaycanlıların yığcam yaşadıqları Qardabani rayonunda “Ədliyyə evi” inşa ediləcək.

“Report”un Gürcüstan bürosu xəbər verir ki, hazırda Qardabani rayonunda belə bir hüquqi xidmət mərkəzi yoxdur və soydaşlarımız müxtəlif hüquqi sənədləri əldə etmək üçün Rustavi, Marneuli və ya Tbilisi şəhərlərinə gedirlər.

Gürcüstan parlamentinin Qardabanidən seçilən mojaritar deputatı Savalan Mirzəyevin ölkənin Ədliyyə Nazirliyi ilə apardığı danışıqlardan sonra rayonda belə bir xidmət mərkəzinin tikintisi barədə razılıq əldə olunub.

Yeni “Ədliyyə evi”nin tikintisi ilə əlaqədar artıq bütün sənədlər hazırlanıb.

Tikinti işlərinə 2019-cu ilin əvvəlində başlanılacaq və ilin sonunadək mərkəz əhalinin istifadəsinə veriləcək.

Həmçinin oxuyun

İşğalçı ölkədə demokratiya oyunu – TƏHLİL

Ermənistan Respublikasının ikinci prezidenti Robert Koçaryan zaminlik əsasında həbsdən azad olundu. Koçaryanın azad olunması Ermənistanda …