Azinforum.az İnformasiya Portalı Onlayn Xəbər Portalı
Cərrahlar hər keçən gün yüzlərlə insanın həyatını xilas edir və onların daha uzun yaşamasının yolunu açır.
Cərrahlar bu qədər müqəddəs bir vəzifəni yerinə yetirərkən, digər tərəfdən də özlərini davamlı olaraq hazırlamalı və inkişaf edən texnologiyalara uyğunlaşdırmalıdır. Cərrahların gördüyü iş xüsusi həssaslıq tələb edir.
Musavat.com sizə 89 yaşlı cərrah haqqında maraqlı məlumatları təqdim edir.
89 yaşlı bir insanın cərrahiyyə əməliyyatı edə bilib-bilməyəcəyini təsəvvür edək. Alla Levuşkina 89 yaşındadır. Cavan yaşlarından bu peşəni seçən yaşlı qadın hələ də işini davam etdirir. Özünü hələ də gümrah edən rus cərrah gündə ən azı 4 cərrahiyyə əməliyyatı edir.
Onun yaşıdları 25 il öncə təqaüdə çıxsa da, o, hələ də peşəsinin vurğunudur. Onu da qeyd edək ki, bu, olduqca çox çətin və böyük məsuliyyət tələb edən peşədir. Bu yaşda cərrah görüncə insanı düşündürən ilk sual onun əllərinin titrəməsi ilə bağlıdır.
Levuşkinanın yaşına görə, heç bir problemi yoxdur. Hər gün neçə insanın həyatını xilas edir. Haqqında danışdığımız bu mükəmməl cərrah Rusiyanın paytaxtı Moskva yaxınlarında yerləşən Ryazan şəhərindəki bir xəstəxanasında işləyir. Alla fiziki qüsurlu olan qardaşı oğlu ilə birlikdə yaşayır.
Rus cərrah, nə az, nə çox tam 67 ildir ki, cərrah işləyir. Bu da demək olur ki, bütün çalışdığı illər boyunca 10 mindən çox əməliyyat həyata keçirən canlı əfsanədən söhbət edirik.
Alla peşəsi ilə əlaqədar “Mənim üçün həkim olmaq yalnız bir peşə deyil, bir yaşam tərzidir” deyir.
89 yaşlı cərraha təqaüdə çıxıb-çıxmayacağını soruşduqda isə “İşdən çıxsam, əməliyyatları kim edəcək” deyə cavab verir.
Hər kəs ondan uzun yaşamasının sirrini soruşur.
Ətrafındakı insanlar Allaya uzun yaşamasının sirrini soruşanda “Uzun yaşamaqla əlaqədar bir sirrim yoxdur. Tapdığım hər şeyi yeyirəm, çox ağlayıram və çox gülürəm” deyir.
Hazırda dünyada yaşayan tək yaşlı cərrah Alla deyil.
Uşaq həkimi Leila Daughtry 2001-ci ildə təqaüdə çıxanda 103 yaşı var idi.
Təqaüdçü olduğu son günə qədər uşaqlar üçün əlindən gələni edən doktor Leila Daughtry çalışan ən yaşlı tibb doktoru olaraq rekordlar kitabına girib. Bu tarixi insan 2014-ci ildə vəfat edib.
Ephraim P.ENGLEMAN bu rekordu təzələyə bilər.
103 yaşındakı doktor Ephraim P. ENGLEMAN, Amerikada fiziki müalicə mütəxəssisi olaraq çalışır. Bu il 104 yaşını qeyd edəcək həkim “Beynim çalışdığı müddətcə işimi buraxmaq istəmirəm” deyir.
Siyahıda bir yapon həkim də var.
Uzun ömürlü olmaları ilə diqqəti çəkən yaponların ən yaşlı həkimlər arasında yer almaması təəccüblü olardı.
102 yaşında olan doktor Shigeaki Hinohara, hələ də ölkəsindəki ən keyfiyyətli xəstəxanaların birində baş həkimdir. Ayrıca bu günə qədər onun 100 kitabı çap olunub.
Dr. Fred Goldman da 101 yaşına qədər xəstələrini tək buraxmayıb.
2011-ci ildə vəfat edən doktor Fred Goldman, ölməzdən əvvəl həftədə 8 saat işləyir və hər həftə 12 xəstəni müayinə edirdi. Ölməzdən öncə o, çalışdığı xəstənaya donor olaraq, orqanlarını vəsiyyət edərək bağışlayıb.
