Cümə , Aprel 26 2024
Ana səhifə / Siyasət / Göyçayda həkim xəstəxananın həyətindəki hovuzda boğuldu

Göyçayda həkim xəstəxananın həyətindəki hovuzda boğuldu

Göyçayda həkim xəstəxananın həyətindəki hovuzda boğuldu
Gecə suya düşən rentgenoloqun meyidini bu gün səhər tapıblar
Göyçay Mərkəzi Rayon Xəstəxanasının (MRX) ərazisində meyit tapılıb.

Azinforum.az-ın APA-ya istinadla verdiyi məlumata görə, Göyçay şəhəri Sabir küçəsi 16 saylı ünvanda yaşayan, 1961-ci il təvəllüdlü Məmmədov Mehman Arif oğlu gecə saatlarında xəstəxananın həyətindəki su hovuzuna düşərək köməksiz vəziyyətdə qalıb və boğularaq ölüb.

Göyçay MRX-da və Bioloji Təbabət Klinikasının Göyçay filialında həkim rentgenoloq işləyən Mehman Məmmədovun meyiti bu gün səhər saat 9:00 radələrində sudan tapılaraq çıxarılıb.

Meyit hazırda Respublika Məhkəmə Tibbi Ekspertiza və Pataloji Anatomiya Birliyinin Göyçay rayon şöbəsində müayinə edilir.

Suda boğulan həkimin üzərində ilkin yoxlama zamanı zorakılıq əlamətləri aşkar edilməyib.

İki uşaq atası olan, 20 ildən çoxdur, Göyçay MRX-da həkim işləyən Mehman Məmmədovun ölümünün dəqiq səbəbi ekspertizanın rəyindən sonra məlum olacaq.

Hazırda rayonun hüquq-mühafizə orqanlarının əməkdaşları hadisə yerindədir. Faktla bağlı Göyçay rayon Prokurorluğu tərəfindən araşdırma aparılır.

Həmçinin oxuyun

Təbriz Musayev: “Molla rejimi heç vaxt Ermənistanla bağlı Rusiya, Türkiyə və Azərbaycanla həmrəy mövqedən çıxış etməz” 

“Cənubi Qafqaz ölkələri birgə səylərlə Ermənistanın Qərb təsirinin tramplininə çevrilməsinin qarşısını almaq üçün məsləhətləşmə formatı …

Bir cavab yazın