Fransada ölən və yaralananlar arasında azərbaycanlı yoxdur

“Ən son məlumatlara görə, Nitsada baş vermiş terror aktı zamanı ölənlər və xəsarət alanlar arasında azərbaycanlılar yoxdur. Hazırda dəqiqləşdirmə aparmaq üçün burada olan azərbaycanlılarla əlaqə qurmağa çalışırıq”.

Bunu Anspress-ə Paris Azərbaycan Evinin rəhbəri Mirvari Fətəliyeva deyib. Onun sözlərinə hadisə zamanı əraziyə yaxın yerlərdə həmyerlilərimiz olsa da terror aktı törədilən küçədə heç bir azərbaycanlı olmayıb.

*   *   *04:00

Azərbaycanın Fransadakı səfirliyi Nitsada baş verən terror aktı nəticəsində xəsarət alanlar arasında Azərbaycan vətəndaşlarının olub-olmamasını araşdırır.

Bu barədə Trend-ə diplomatik missiyadan bildirilib.

Yerli hakimiyyət orqanları ilə daha dəqiq məlumat almaq üçün əlaqə qurulur.

Qeyd edək ki, Fransanın Nitsa şəhərində törədilmiş terror aktı nəticəsində 73 nəfər ölüb, 120 nəfər xəsarət alıb.