Cümə , Oktyabr 30 2020
Ana səhifə / Siyasət / Formula 1 zamanı rayonlardan gələn avtomobillərə məhdudiyyət qoyulacaq?

Formula 1 zamanı rayonlardan gələn avtomobillərə məhdudiyyət qoyulacaq?

Bakıda keçiriləcək Formula 1 Avropa Qran Prisi ilə bağlı rayonlardan paytaxta gələn nəqliyyat vasitələrinə hər hansı bir xüsusi məhdudiyyət qoyulmayacaq.
Bunu Trend-ə Daxili İşlər Nazirliyi (DİN) Respublika Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev deyib.
K.Əliyev bildirib ki, rayonlardan gələn nəqliyyat vasitələri ilə bağlı hələ ötən ilin sentyabrından Nazirlər Kabinetinin Yol hərəkəti təhlükəsizlik komissiyasının müvafiq qərarı var: “Qərara əsasən, 5 tondan yuxarı olan nəqliyyat vasitələrinin, eləcə də rayon qeydiyyatında olan digər minik avtomobillərinin şəhərə girişinə günün müəyyən vaxtlarında məhdudiyyətlər tətbiq edilir”.
K.Əliyev bildirib ki, Formula 1 Avropa Qran Prisi zamanı da bu məhdudiyyətlər olduğu kimi qalacaq, hər hansı xüsusi məhdudiyyətin tətbiq edilməsi nəzərdə tutulmur.

Həmçinin oxuyun

Ermənistan 84 yaşlı Mişa Melkumyanı təhvil almaqdan imtina edib

Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb. Məlumatda …

Bir cavab yazın