Ana səhifə / Siyasət / Fərəc Quliyev adı ölümdə hallanan əmisindən danışdı

Fərəc Quliyev adı ölümdə hallanan əmisindən danışdı

Xəbər verildiyi kimi, Sumqayıtda həkim Cəfər Quliyevin əməliyyat etdiyi xəstə vəfat edib. Ailə üzvləri həkimin yaşlı olduğunu əsas gətirərək onun əməliyyat zamanı səhlənkarlığa yol verdiyini bildirirlər.

Adı xəstənin ölümündə hallanan 81 yaşlı həkim Cəfər Quliyevin qardaşı oğlu, deputat Fərəc Quliyev hadisə ilə bağlı AzVision.az-a açıqlama verib.

Deputat bildirib ki, əmisi Cəfər Quliyev uzun illərdir peşəkar həkim fəaliyyəti ilə məşğul olur. Millət vəkili əmisinin ölümdə ittiham edilməsinə münasibət bildirərək qeyd edib ki, ömürü insana Allah verir, həkim isə yardımçı olur: “Həkim əlindən nə gəlirsə, onu edə bilir. Əmim insanlara təmənnasız olaraq xidmət edən həkimdir. Amma hər zaman xəstəyə kömək etmək mümkün olmur. Xəstə ölümünün nə olduğunu mən də həkim olduğum üçün başa düşürəm. Məndə olan məlumata görə, əməliyyat çox ağır keçib. Üzücü hadisədir. Amma nə edək, belə hallar da olur. Hər bir xəstəni xilas etmək olmur”.

Qeyd edək ki, 81 yaşlı həkim Cəfər Quliyev tərəfindən əməliyyat edilən 3 uşaq anası 33 yaşlı Lumu Veyisova dünən gecə saatlarında rəhmətə gedib.

Həmçinin oxuyun

“İlham Əliyevin üçüncü gücün müdaxiləsi barədə dedikləri İrana yaxşı bir mesajdır…”

Müharibənin müəyyən mərhələsində diplomatik meydanda aktiv fəaliyyətin olacağı gözlənilən idi və istər Avropa ölkələri və …

Bir cavab yazın