Çərşənbə axşamı , Yanvar 26 2021
Ana səhifə / Siyasət / Etibar Məmmədov BDİ-nin üzv partiyalarını Ermənistana təzyiq göstərməyə çağırdı

Etibar Məmmədov BDİ-nin üzv partiyalarını Ermənistana təzyiq göstərməyə çağırdı

AMİP Lideri, Beynəlxalq Demokrat İttifaqının sədr müavini Etibar Məmmədov BDİ sədri Stefan Harperə, BDİ Baş katibi Kristian Kattnerə və eləcədə bu qurumun üzvü olan dünyanın aparıcı siyasi partiyalarına müraciət ünvanlayıb.

Müraciətdə Dağlıq Qarabağ münaqişəsi, 30 ildən artıq davam edən işğal faktı, BMT Təhlükəsizlik Şurasının Ermənistan silahlı qüvvələrinin qeyd-şərtsiz olaraq işğal etdiyi Azərbaycan torpaqlarından çıxarılması ilə bağlı qətnamələri, eləcə də 27 sentyabrdan etibarən davam edən hərbi əməliyyatlarla bağlı məlumatlar yer alıb.

Daha sonra Ermənistan tərəfindən Gəncə və digər ərazilərimizdə mülki əhalinin hədəf alınması, hümanitar atəşkəsə əməl etməməsi ilə bağlı da məlumat verilib.

ATƏT Minsk Qrupunun fəaliyyətsizliyinə toxunan Etibar Məmmədov ötən illər ərzində ATƏT-in Minsk Qrupunun heç bir irəliləyişə nail olmadığını, əslində daha çox problemin konservləşdirilməsinə xidmət etdiyini qeyd edərək BMT Təhlükəsizlik Şurası Qətnamələrinin icrasıyla bağlı Ermənistana təzyiq göstərmədiklərini xüsusi olaraq qeyd etmişdir.

Sonda Etibar Məmmədov BDİ rəhbərliyinə və partiya liderlərinə müraciət edərək münaqişənin sülh yolu ilə həllinin mümkünlüyünün BMT Təhlükəsizlik Şurasının qətnamələrinin icrasından asılı olduğunu qeyd etmiş və bununla bağlı Ermənistana təzyiq göstərilməsinin vacib olduğunu vurğulamışdır. Etibar Məmmədov hər kəsi bu prossesdə iştirak etməklə sülhün bərqərar olmasına tohfə verməyə çağırmışdır.

Həmçinin oxuyun

Georgi Vanyan İlham Əliyevə və Nikol Paşinyana çağırış etdi

Qafqaz Sülhməramlı Təşəbbüslər Mərkəzinin rəhbəri, tanınmış erməni hüquq müdafiəçisi Georgi Vanyan Azərbaycan Prezidenti İlham Əliyevə …