Cümə axşamı , Mart 28 2024
Ana səhifə / Siyasət / Döyülən rektor qızı ölkəni tərk etdi – Fotolar

Döyülən rektor qızı ölkəni tərk etdi – Fotolar

Xəzər Universitetinin təsisçisi Hamlet İsaxanlının qızı Ülkər İsayeva Azərbaycanı tərk edib.

Musavat.com-un məlumatına görə, o, Türkiyəyə köçüb. Ülkər İsayeva İstanbuldakı Koç Universitetində həm təhsil alır, həm də çalışır. Hamlet İsaxanlının qızı övladı Cananı da özü ilə Türkiyəyə aparıb.

Qeyd edək ki, Ülkər İsayeva Türkiyə və Amerikada də psixologiya üzrə təhsil alıb, magistraturanı isə İngiltərədə oxuyub. Təhsili başa vurduqdan sonra 7 il Azərbaycanda yaşayıb. O, atasının təsisçisi olduğu Xəzər Universitetində İnsan Resusları Departamentinin direktoru çalışıb, həmçinin, universitetdə müəllimlik də edib.

Xatırladaq ki, Ülkər İsayeva ötən il martın 9-da Zaur və Elin Məmmədov qardaşları tərəfindən döyülüb. Hadisə ilə əlaqədar Cinayət Məcəlləsinin 221-ci (xuliqanlıq) maddəsi ilə cinayət işi başlanıb. Nəticədə Zaur Məmmədovun barəsində həbs qəti-imkan tədbiri, Elin Məmmədovun barəsində başqa yerə getməmək barədə qəti-imkan tədbiri seçilib.

Səbail rayon Məhkəməsinin hökmü ilə Zaur Məmmədov 11 ay 9 gün,  Elin Məmmədov 7 ay 24 gün müddətinə islah işləri cəzasına məhkum ediliblər. Məhkəmə onların hər birinin aylıq qazancının 20 faizinin tutulması barədə də qərar qəbul edib.

 

Həmçinin oxuyun

Bakı və Kreml Brüssel görüşündən narahatdır, ABŞ tənqidləri qəbul etmir

Vaşinqton Bakının aprelin 5-də Brüsseldə ABŞ, Avropa İttifaqı və Ermənistanın üçtərəfli görüşü ilə bağlı tənqidini …

Bir cavab yazın