Cümə axşamı , Sentyabr 19 2019
Ana səhifə / Siyasət / “Dövlət təşkilatları at və eşşək əti satanlardan haqq alır” – Deputatdan dövlət qurumlarına rüşvət ittihamı

“Dövlət təşkilatları at və eşşək əti satanlardan haqq alır” – Deputatdan dövlət qurumlarına rüşvət ittihamı

Milli Məclisin deputatı Fazil Mustafa Azərbaycanda son günlər yaranan at və eşşək əti qalmaqalıyla bağlı sərt ittihamlarla çıxış edib.
Azinforum.az xəbər verir ki, bu barədə bakipost.az-a açıqlama verən millət vəkili aidiyyəti qurumların, bu işə nəzarət edən dövlət təşkilatlarını at və eşşək əti satanlardan haqq aldığını iddia edib:
“Qanunvericiliyə görə belə işlərlə məşğul olanları cəzalar gözləyir. Lakin aidiyyəti qurumların səhlənkarlığı, yaxud da üzgörənliyi ucbatından vətəndaşlarımızın həyatını təhlükəyə atan, insanlara murdar ətlər yedirdən insanlar nəinki məsuliyyətdən yaxa qurtarır, hətta illərlə öz əməllərini davam etdirə bilirlər. Hamı bilir ki, harda nə kəsilir, niyə kəsilir. Sadəcə kimsə vaxtında “nəyisə” çatdırıb verə bilmir, ona görə də nəzarət edən qurumlar tərəfindən ifşa olunur”.
F.Mustafa bu problemin Milli Məclisdə qaldırılacağını bildirib:
“Əhaliyə at və eşşək ətlərini başqa mal-heyvan əti əvəzinə yedirirlər. Bu da çox təhlükəli bir tendensiyadır. Hesab edirəm ki, cəmiyyətdə buna qarşı müəyyən səslər yüksəlməlidir. Çünki bu, insanların qida zəhərlənməsinə səbəb ola bilər. Milli Məclisdə də bu məsələ qaldırılacaq. Amma bu, məsələnin yekunu deyil. Qurumlar var ki, onlar öz vəzifələrini yerinə yetirməlidir. Hüquq-mühafizə orqanları da bu işlərə nəzarət edən qurumlara xəbərdarlıq etməlidir”.

Həmçinin oxuyun

Misir Mərdanov özünü oliqarx hesab etmir – VİDEO

”Keçmişdə dövlət rəhbərliyində işləmiş nazirlər var. Biri 20 il işləyib, biri 18 il, biri 15 …

Bir cavab yazın