Yanvarın 20-də Ermənistanda daha iki nəfərin H1N1 virusundan (donuz qripi) ölüm faktı qeydə alınıb.
Musavat.com-un Ermənistan qaynağına istinadən verdiyi xəbərə görə, məlumatı ölkənin Səhiyyə Nazirliyinin mətbuat katibi Anait Aytayan təsdiqləyib.
Onun sözlərinə görə, bu dəfə iki qadın ölümcül virusdan dünyasını dəyişib. Onların xəstəxanaya gec, ağır vəziyyətdə müraciət etdiyi bildirilir.
Beləliklə, Ermənistanda H1N1 virusundan ölənlərin sayı 16-ya çatıb.