Cümə axşamı , Noyabr 26 2020
Ana səhifə / Siyasət / Daha 6 erməni reanimasiyada – adlar

Daha 6 erməni reanimasiyada – adlar

Ermənistanın rəsmi qurumları son sutka ərzində Azərbaycan ordusu ilə gedən ağır döyüşlər nəticəsində qeydə alınan itkiləri gizlətsə də, yerli mətbuat real vəziyyətlə bağlı xəbərləri tirajlamaqdadır. Düşmən ölkənin KİV-ləri Dağlıq Qarabağın tibb mərkəzlərinə yerləşdirilən bir sıra yaralıların adlarını açıqlayıb.

Musavat.com Ermənistan mediasına istinadən xəbər verir ki, yaralı ermənilər Tsоvinаr Аğаcаnyan (1961-ci il təv.), Qаrеgin Аğаcаnyan (1973), Zаvеn Аvanesyan (1985) və Аyк Тоrоsyandır (1997). “Daqlıq Qarabağın səhiyyə nazirliyi” adlı qondarma quruma istinad edən erməni mətbuatı bildirib ki, bütün yaralılara ilkin tibbi yardım göstərilib, həkimlər onların durumunu sabit ağır qiymətləndirib. Bütün yaralılar reanimasiyaya yerləşdirilib.

Digər məlumata görə, keçmiş Martuni (indiki Xocavənd) rayonundakı “Arevik” tibb mərkəzinə də yaralılar gətirilib. Onlar Vardan Andreasyan və Gevork Qruqoryandır. Onların da vəziyyəti sabit ağır qiymətləndirilib və reanimasiyaya köçürülüb.

Qeyd edək ki, Azərbaycan Müdafiə Nazirliyi düşmənin itkilərinin 100-dən artıq olduğunu açıqlayıb. Xankəndi xəstəxanaları dolduğu üçün yaralıların çox hissəsinin İrəvana çatdırıldığı barədə xəbərlər var. Hərbi itkiləri ört-bastır etməyə çalışan Ermənistan tərəfi daha çox mülki əhali arasındakı itkiləri açıqlamaqla özünü həmişəki kimi “yazıq” göstərməyə və beynəlxalq ictimaiyyətin rəyini qazanmağa çalışır.

Həmçinin oxuyun

Fransa XİN: “DQR” rejiminin tanınması heç kimə fayda verməyəcək”

Fransa Senatı bu gün 305 səs lehinə, 1 səs əleyhinə olmaqla qondarma DQR rejiminin müstəqilliyini …

Bir cavab yazın