Cümə axşamı , May 26 2022
Ana səhifə / Siyasət / Dənizi hasarlayan biznesmenlər Prezidentə qarşı çıxır – Deputat

Dənizi hasarlayan biznesmenlər Prezidentə qarşı çıxır – Deputat

“Dəniz kənarına 130 metr məsafədən yaxın tikililərin sökülməsi ilə bağlı layihə hazırlanıb Prezidentə təqdim olunmalıdır”.
Bu sözləri Bakupost.az -a açıqlamasında deputat Razi Nurullayev deyib.
O bildirib ki, dənizin ətrafının hasarlanması vətəndaşların hüquqlarının pozulmasıdır:

“Dəniz sahillərinin aidiyyəti üzrə istifadə olunmaması, Azərbaycan vətəndaşlarının Konstitusiya hüququnun pozulmasıdır. Vətəndaşın dənizə buraxılmaması ciddi qanun pozuntusudur. Ona görə də bu məsələ zaman-zaman gündəmə gəlir. Mən də bu məsələni daim gündəmdə saxlayıram. Məsələ hökumət tərəfindən də müzakirəyə çıxarılır. Demək olar ki, dəniz bütövlükdə işğal olunub. Dəniz ətrafındakı tikililərin hamısının sökülməsi həm maliyyə yüklü, həm də sosial məsələdir. Digər tərəfdən isə bu, siyasi iradəyə bağlı bir işdir. Avropa Oyunları zamanı Prezident İlham Əliyev Şıxovda Veloparkın açılışı zamanı parkın ərazisinə daxil ərazilərin hasarlandığını, villaların tikildiyini görmüşdü. Prezidentin göstərişindən sonra həmin tikililər söküldü. Dənizə çıxışı məhdudlaşdıran tikililərin sökülməsi məsələsinin də siyasi iradə ilə həll olunmasına ehtiyac var”.

Millət vəkili qeyd edib ki, bu problem qanunla həll olunmalıdır: “Ümid edirəm ki, bir gün bu məsələlər qanunla həll olunacaq və vətəndaşların xeyrinə qərar çıxarılacaq. Çünki bu məsələlər birbaşa Prezidentin öz nüfuzuna zərbə vurur. İnsanlar bununla bağlı şikayətləri Prezidentə ünvanlayırlar. Dənizin kənarını bağlayan insanlar başa düşməlidir ki, onların fəaliyyəti, özbaşınalığı Prezidentə qarşı atılmış addım kimi nəzərə çarpır. Ona görə də özləri bu cür qanunsuz fəaliyyətdən çəkinməlidirlər”.

R.Nurullayev dəniz kənarında fərdi şəxslərə yer satılmasını səhv addım hesab edir: “Dəniz kənarında insanların fərdi şəkildə yer əldə etməsi doğru qərar deyil. Bu ərazilər tursitik zonalardır. Orada böyük hotellər tikilməlidir ki, insanlara iş yerləri yaradılsın. Bakı Şəhər İcra Hakimiyyəti dənizkənarı əraziləri biznesmenlərə simvolik qiymətlə satmalıdır. Bu, vergi verilməsi, insanların işlə təmin olunması, ölkənin iqtisadi potensialının artırılması deməkdir. Hüquqi dövlət və qanun qarşısında hər kəsin bərabərliyinə nail olmaq istəyiriksə, bu, təmin olunmalı və günahkarlar cəzalandırılmalıdır. Konstitusiya ilə insanların dənizə çıxışı təmin edilir. Dənizi hasarlayıb özünə mülk tikən insanların dənizə girişi dayandırmaq, girişi pullu etmək hüququ yoxdur”.

Həmçinin oxuyun

Fərid Qayıbov Azad Rəhimovun qaynını işdən çıxardı – FOTO

Bakı Su İdman Sarayının direktoru Elçin Həsənov işdən çıxarılıb. Fərid Qayıbovun əmri ilə onun yerinə …