Çərşənbə , Yanvar 27 2021
Ana səhifə / Siyasət / “Çudo Peçka”nın mağazaları ard-arda bağlanır- FOTO

“Çudo Peçka”nın mağazaları ard-arda bağlanır- FOTO

Ölkədə yaşanan iqtisadi böhran “Çudo Peçka” MMC-ni də vurub. Şəbəkənin bir neçə ay öncə açılan obyektləri artıq ard-arda bağlanmaqdadır.  
Musavat.com-un məlumatına görə, MMC-nin ötən ilin  yay aylarında fəaliyyətə başlayan metronun “Elmlər Akademiyası” stansiyasının yaxınlığında olan kafe-mağazası da öz fəaliyyətini dayandırıb. Kafe-mağazanın yerləşdiyi obyekt isə icarəyə çıxarılıb.
Onu da qeyd edək ki, ötən həftə “Çudo Peçka”nın Nərimanov rayonunun Təbriz küçəsində yerləşən kafe-mağazası da bağlanıb. Ora da icarəyə çıxarılıb.
“Çudo Peçka”da mövcud durumu öyrənmək MMC-nin şəhərin digər yerlərində olan kafe-mağazalarına da baş çəkdik.  Öyrəndik ki, kafelərin fəaliyyəti davam etsə də, işçilərin maaşı vaxtında verilmir. Kafe-mağazaların adını çəkməyimizi istəməyən əməkdaşından aldığımız məlumata görə,  manatın ikinci devalvasiyasından sonra “Çudo Peçka”da eyni zamanda  işçilərin sayında da ixtisarlar aparılır:
“Burada kassada çalışan əməkdaşlar 250 manat, “hostes”lər isə 190 manat maaş alırlar.
Ancaq son zamanlar maaşlarda gecikmələr olur. Ümumiyyətlə, kafelərimizdə vəziyyət yaxşı deyil. İşçilərin sayında ixtisarlar da edilir. Görünür, bu səbəbdəndir ki, yeni açılan kafe-mağazalar da bağlanıldı”.
Qeyd edək ki, “Çudo Peçka” şəbəkəsi 2000-ci ilin əvvəllərində iş adamı Çingiz Cəlilov tərəfindən qurulub.  Sonradan sabiq iqtisadi inkişaf naziri Heydər Babayevin sərəncamına keçib.



Həmçinin oxuyun

Elman Nəsirov-Əli Əliyev debatı: Övladın müharibəyə niyə getməyib? — VİDEO

Bu gün Müsavat TV-nin canlı yayımında debata çıxan millət vəkili Elman Nəsirovla VİP sədri Əli …

Bir cavab yazın