Çərşənbə , Dekabr 2 2020
Ana səhifə / Siyasət / “Çıraqqalaya gedən yol zəbt olunub” – Şahbaz Xuduoğlundan həyəcan təbili – VİDEO

“Çıraqqalaya gedən yol zəbt olunub” – Şahbaz Xuduoğlundan həyəcan təbili – VİDEO

Şabran rayon ərazisində yerləşən Çıraqqala qalasına gedən yol Qalaaltı oteli tərəfindən zəbt olunub.
Moderator.az bildirir ki, bu barədə tanınmış naşir, “Qanun” nəşriyyatının sahibi Şahbaz Xuduoğlu məlumat verib.
O, öz instaqram səhifəsində bu söləri paylaşıb:  “Hal-hazırda Qalaaltı otelinin qarşısındayam. Bildiyiniz kimi otel təzə istifadəyə verilib. Amma bundan öncə burada böyük bir yol var idi, bu yol bizi Qalaaltıdakı mineral suyu olan bulağa aparırdı. Sonra bulağın yanından da davam edib bizi Çıraqqalaya çıxarırdı. Təəssüflər olsun ki, bu gün bu oteli düz o yolun üstündə tikiblər, bulağı da mənimsəyiblər. Gələn camaata da icazə vermirlər ki, içəri girsinlər, deyirlər bağlıdır. Bulağın suyunu içmək istəyənləri də kənarlaşdırırlar, deyirlər ki, dərə aşağı gedin, orada su tökülür, o sudan için. Mən anlamıram ki, hansı yekəxana bu oteli yolun üstündə tikə bilər? Bu yol xalqın yoludur, bu su xalqın suyudur, yeraltı sərvətdir, xalqa məxsusdur”.
Qeyd edək ki, dəniz səviyyəsindən 1232 metr hündürlükdə yerləşən Çıraqqala Tarix-Memarlıq Qoruğu Şabran rayon mərkəzindən təxminən 25 km-də sıldırım qayanın zirvəsində yerləşir. 2003-cü ildə “Çıraqqala” tarixi abidələr kompleksinin bərpası və qorunması haqqında” prezident sərəncamı verilib. Sərəncama əsasən, Çıraqqala tarixi abidə kompleksi tarix-memarlıq qoruğu elan edilib.
Ümid edirik ki, aidiyyati qurumlar qoruğa gedən yolun bağlanmasına tez zamanda münasibət bildirəcəklər.

Həmçinin oxuyun

Putin:“Qarabağla bağlı üçtərəfli bəyanat ardıcıl şəkildə icra olunur”

Rusiya, Azərbaycan və Ermənistan liderlərinin Qarabağla bağlı 9 noyabrda imzaladıqları birgə bəyanat ardıcıl şəkildə icra …

Bir cavab yazın