Cümə axşamı , Mart 28 2024
Ana səhifə / Siyasət / Baş onkoloq: “Azərbaycanda onkoloji xəstələrin 70-80 faizi xəstəliyin üçüncü, dördüncü mərhələsində həkimə müraciət edirlər”

Baş onkoloq: “Azərbaycanda onkoloji xəstələrin 70-80 faizi xəstəliyin üçüncü, dördüncü mərhələsində həkimə müraciət edirlər”

Bakıda I Türkiyə-Azərbaycan Onkologiya Günləri başlayıb. Konfransın keçirilməsində məqsəd iki ölkə arasında onkoloji sahədə əlaqələri daha da genişləndirmək və elmi tədqiqat müqavilələrinin bağlanılmasıdır.

Tədbirdə çıxış edən Azərbaycanın baş onkoloqu Azad Kərimli bildirib ki, məqsəd türkdilli ölkə onkoloqlarını bir araya gətirməkdir: “Həmçinin ikitərəfli əməkdaşlıq təcrübəsindən yararlanmaq qarşıda duran vəzifələrdən biridir. Bütün bu məsələlər bugünkü tədbirdə müqavilələrin imzalanması ilə öz həllini tapacaq. Konfransda onkoloji xəstəliklərlə əlaqədar diaqnozun və müalicə taktikasının düzgün seçilməsi əsas müzakirə mövzusu olacaq”.

Baş onkoloq onu da qeyd edib ki, tək Azərbaycanda deyil, dünyanın başqa ölkələrində də onkoloji xəstələrin 70-80 faizi xəstəliyin üçüncü, dördüncü mərhələsində həkimə müraciət edirlər: “Lakin xəstələr xəstəliyin birinci və ikinci mərhələsində həkimə müraciət edərsə, xəstəliklə mübarizə aparmaq mümkündür”.

Xatırladaq ki, konfransda iştirak etmək üçün Türkiyədən 45 nəfərdən ibarət nümayəndə heyəti Azərbaycana gəlib.

Həmçinin oxuyun

Bakı və Kreml Brüssel görüşündən narahatdır, ABŞ tənqidləri qəbul etmir

Vaşinqton Bakının aprelin 5-də Brüsseldə ABŞ, Avropa İttifaqı və Ermənistanın üçtərəfli görüşü ilə bağlı tənqidini …

Bir cavab yazın