Ana səhifə / Siyasət / Bakıda tanınmış restoran səkini zəbt edib dayanacaq yaratdı – VİDEO

Bakıda tanınmış restoran səkini zəbt edib dayanacaq yaratdı – VİDEO

Vəziyyət hər gün belədir; yol polisi bu mənzərəyə sadəcə baxıb keçir
Bakıda bir çox restoranlar, otellər və digər iaşə obyektləri səkiləri zəbt edərək qanunsuz dayanacaq yaradırlar. Bu da piyadaların hərəkətinə mane olur. Bəzi restoran və otellərin qarşısında isə 2-3 cərgədə maşın saxlayırlar və bu da digər avtomobillərə problem yaradır, tıxac əmələ gəlir.
Avtosfer.az-ın əməkdaşları Bakıda tıxaca və piyadaların hərəkətinə maneçilik yaradan restoranların, otellərin və digər bu kimi obyektlərin aşkarlanması ilə bağlı layihəyə start verib. Əməkdaşlarımızın kamerasına tuş gələn ilk obyekt Bayıl qəsəbəsində – Neftçi Qurban küçəsində yerləşən «Rivera» otel-restoranıdır. Bir neçə gün həmin restoranın ətrafında apardığımız müşahidələrdən gördük ki, burada səki tamamilə zəbt olunub. Yolun solunda park edilən maşınların ön tərəfi restoranın divarına dirənib və burada hərəkət qeyri-mümkündür. Bundan əlavə, avtomobillərin arxa tərəfi yola çıxır və yolu daraldır. Yolun sağında da səkiyə perpenduklyar park edilmiş avtomobillərə rast gəlinir ki, bu mənzərə üçzolaqlı yolu faktiki olaraq birzolaqlı yola çevirib.
Elə bilməyin ki, yolun sağında dayananlar başqalarıdır. Onların da əksəriyyəti «Rivera»ya gələn müştərilərin maşanlarıdır.
İki gün ərzində apardığımız müşihidələrdən bu qənaətə gəlmək olar ki, «Rivera»nın rəhbərliyi özündən başqa heç kimi düşünmür. Nə oradan keçən piyadaların, nə də digər avtomobillərin hərəkətində yaratdıqları çətinlik onlara maraqlı deyil. Əsas odur ki, müştəri bol olsun.
Maraqlı olan isə budur ki, «Rivera» otel-restoran kompleksi yeni yaranıb. Yəni, bu obyekti inşa edərkən ora gələcək müştərilən avtomobillərini harada park edəcəyi barədə də düşünmək olardı…
O ki qaldı yoldakı bu vəziyyətə yol polisinin biganəliyinə, bəli, təqdim etdiyimiz fotodan da görünür ki, Səbail rayon Dövlət Yol Polisi Şöbəsinin əməkdaşları hər gün bu mənzərəni görürlər. Onu da görürlər ki, yolun solunda maşınların səkini zəbt etməsindən əlavə, orada dayanma-durmanı qadağan edən yol nişanı qoyulub. Amma yol polisləri bu mənzərəni sadəcə seyr edirlər və sakitcə keçib gedirlər. Özü də, bu yoldan elə özləri də əziyyət çəkə-çəkə keçirlər.

Həmçinin oxuyun

Avropa İttifaqı Bakının iddialarını rədd edir

“Əsas diqqət Ermənistanla ikitərəfli əməkdaşlığa yönəldiləcək” Avropa İttifaqının xarici əlaqələr və təhlükəsizlik siyasəti üzrə mətbuat …

Bir cavab yazın