Bazar ertəsi , Yanvar 18 2021
Ana səhifə / Siyasət / Bakıda Məhəmməd Əli üçün ehsan veriləcək

Bakıda Məhəmməd Əli üçün ehsan veriləcək

Sabah Buzovna qəsəbəsində yerləşən Məşədi Qərib məscidində, Hacı Soltanın təşkilatçılığı ilə, əfsanəvi boksçu Məhəmməd Əlinin 3 mərasimi ilə əlaqədar ehsan süfrəsi veriləcək.

Azinforum.az xəbər verir ki, bu barədə Sputnik-ə Hacı Soltan məlumat verib.

Ramazan ayı olduğu üçün, mərasim axşam saat 19.00-da başlayacaq, ardınca iftar süfrəsi veriləcək. Hacı Soltan əfsanəvi boksçu haqqında kitab yazdığını da qeyd edib.

“1997-ci ildə ilk dəfə olaraq Məhəmməd Əli haqqında kitab yazmışam. Boks Federasiyasının vitse-prezidenti Ağacan Əbiyev də kitaba rəy yazıb. O, sonralar mənə Məhəmməd Əli ilə görüşə getmək təklifi etsə də, bəzi işlərimlə əlaqədar gedə bilmədim”, – Hacı Soltan bildirib.

Onun sözlərinə görə, əfsanəvi boksçu ilə görüşə gedə bilməsə də, Məhəmməd Əli ona öz imzası ilə, 300 rəsminin yer aldığı albomunu göndərib: “Bir sözlə, bizim qiyabi dostluğumuz olub”.

Təşkilatçı sabahkı ehsan mərasiminə bir çox idmançıları və digər ictimai xadimləri də dəvət etdiyini bildirib.

Həmçinin oxuyun

“Hər bir vergül üstündə mübarizə gedirdi” – Putin Qarabağdan danışdı

Rusiya Prezidenti Vladimir Putin Dağlıq Qarabağda atəşkəs haqqında noyabr bəyanatının qəbul edilməsi ilə bağlı bəzi …

Bir cavab yazın