Çərşənbə , Yanvar 20 2021
Ana səhifə / Siyasət / Bakıda artırma eyvanların hamısı söküləcək (RƏSMİ)

Bakıda artırma eyvanların hamısı söküləcək (RƏSMİ)

Bakıda Sovet dövründə tikilən binalara edilən əlavələrin hamısı söküləcək.

 

Bu barədə Bakı şəhər İcra Hakimiyyətinin “Tikintiyə nəzarət” şöbəsindən BAKU.WS-ə verilən məlumat verilib.

Verilən məlumatda bildirilir ki, dünən Yasamal rayonu ərazisində yaşayış binalarının artırılmış balkonları tam qanun çərçivəsində merin tapşırığına uyğun olaraq sökülüb.

Ərazidə aparılan abadlıq işlərilə bağlı Nərimanov heykəlinin yanından Vergilər Nazirliyinin arxasına qədər, rayonun A. Ağayev küçəsində abadlıq işləri aparılıb. İşlərə uyğun olaraq ərazidə yerləşən binalarda artırılmış balkonlar sökülüb. Bu addım həm təhlükəsizlik, həm də şəhərin görünüşünə xələl gətirməyin qarşısını almaq məqsədilə atılıb.

Qurumdan onu da bildirdilər ki, artırılma balkona görə verilən sənədlər də əslində qanuni deyil. Çünki Sovet dövründə tikilən binanın infrastrukturuna heç bir dəyişiklik etmək olmaz.

Bakı meriyasından onu da əlavə etdilər ki, gələcəkdə də, abadlıq aparılacaq digər ərazilərdə belə hallar olarsa, mütləq qarşısı alınacaq: “Əgər hansısa ərazilərdə abadlıq işləri aparılacaqsa və artırılma balkon, yaxud hansısa dəyişiklik aşkarlanarsa, o zaman müvafiq tədbirlər görüləcək. Artırılma balkonlar söküləcək”.

 

 

 

 

 

 

 

 

Həmçinin oxuyun

Oqtay Şirəliyev və Ramin Bayramlıya vurulan əslində nədir? – AÇIQLAMA

Xəbər verdiyimiz kimi, Tibbi Ərazi Bölmələrini İdarəetmə Birliyi (TƏBİB) sosial şəbəkələrdə səhiyyə naziri Oqtay Şirəliyev …

Bir cavab yazın