Ana səhifə / Siyasət / Bakı bulvarına giriş biletlə olacaq

Bakı bulvarına giriş biletlə olacaq

Paytaxt Bakının ev sahibliyi edəcək “Formula-1” yarışlarına sayılı günlər qaldığından Dənizkənarı Bulvarda hazırlıq işləri daha da intensivləşib. ANS TV-nin məlumatına görə, “Formula-1” yarışlarını izləmək üçün bileti olmayan şəxslərə narahat olmağa dəyməz.

Bakı Dənizkənarı Bulvar ərazisinin cəmi 3 kilometrlik hissəsi bağlı qalacaq. Bu hissə Azneft dairəsindən, Dəniz limanı ərazisinə qədər olan yerdir. Bu ərazilərə bilet və xüsusi dəvətnamələrlə daxil olan şəxslərə bulvar ərazilərində pulsuz xidmətlər göstəriləcək. Bulvar ərazisinin qalan hissəsi isə sakinlərin ixtiyarında olacaq.

“Formula-1” yarışlarına hazırlıq çərçivəsində mümkün qəzaların baş vermə ehtimalına qarşı Neftçilər Xəstəxanasında xüsusi şəraitli palata yaradılıb. Xəstəxananın baş həkiminin müavini Nadir Mehdiyevin sözlərinə görə, palatada Türkiyə və Qərb istehsalı olan müvafiq avadanlıqlar, yara səthinin soyudulması üçün nəzərdə tutulan aparat quraşdırılıb.

Digər palatalarda isə xüsusi yataqlar hazırlanıb ki, onların döşəməsi qumdandır. Bundan başqa xəstəxanada, anastezioloq, neyrocərrah, palstik cərrah, tibb bacılarından ibarət qrupa Türkiyədən gələn mütəxəssislər hazırlıq keçib. Hazırda yarışlar vaxtı baş verə biləcək bədbəxt hadisələr zamanı Təcili tibbi yardım xidmətinin necə yardım göstərməsi üzrə təlim məşğələlər aparılır. Yarışlar zamanı sürət maşınlarının keçdiyi ərazilərdə xüsusi hazırlanmış təcili yardım maşınları növbə çəkəcəklər.

Yarışların başlanma tarixi yaxınlaşdıqca qara bazarda Formula-1 yarışlarına biletlər satılmağa başlayıb. bu proses ən çox sosial şəbəkələrdə həyata keçirilir. Burda ən ucuz biletin qiyməti 60 manatdan başlayır. Əslində isə “Formula-1” yarışlarına ən bahalı bilet rəsmi olaraq 700 manata qədərdir. Amma qeyri-rəsmi məlumatlara görə, bax görüdüyünüz bu yerlər VİP zona hesab edilir. Hər bir şəraitlə və yeməklə təmin olunmuş bu yerlərin qiymətləri 4500 manatdir.

Həmçinin oxuyun

Bakı və Kreml Brüssel görüşündən narahatdır, ABŞ tənqidləri qəbul etmir

Vaşinqton Bakının aprelin 5-də Brüsseldə ABŞ, Avropa İttifaqı və Ermənistanın üçtərəfli görüşü ilə bağlı tənqidini …

Bir cavab yazın