Bazar , Oktyabr 25 2020
Ana səhifə / Siyasət / Azərbaycanlı diplomat vəzifəsini qoyub qaçdı – Sabiq səfir fakt açıqladı

Azərbaycanlı diplomat vəzifəsini qoyub qaçdı – Sabiq səfir fakt açıqladı

Azərbaycanın İslam Əməkdaşlıq Təşkilatındakı nümayəndəsi Arif Məmmədov Norveçin Azərbaycandakı keçmiş səfiri Steynar Gilə müraciət edib. 

Azinforum.az  Qafqazinfo-ya istinadən xəbər verir ki, Steynar Gil özü bu barədə məlumat yayıb. O bildirib ki, müraciəti yayımlamağı Arif Məmmədov ondan xahiş edib.

A.Məmmədovun bu ilin iyunun 29-dan iyulun 10-a kimi Norveçdə olacağını və həmin müddət keçmiş səfirlə görüşmək istədiyini bildirib: “Avropa mediasının məni dəstəkləməsi lazımdır. Mənim Azərbaycandakı həqiqi dostlarımın köməyinə ehtiyacım var. Bu ümumi həyəcan siqnalıdır”.

Qeyd edək ki, Arif Məmmədov mayın 19-da Binəqədidə yanan bina ilə bağlı yazdığı statusla gündəmə gəlmişdi. YAP icra katibinin müavini Siyavuş Novruzov Arif Məmmədovla bağlı sərt açıqlama vermişdi: “Arif Məmmədovun qanında erməni qanı var və dərhal vəzifəsindən azad edilməlidir”.

Xatırladaq ki, Steynar Gil isə səfir olduğu müddətdə hakimiyyəti qarşı mövqeyi ilə seçilib.

Əlavə edək ki, sözügedən məlumatla bağlı həm Xarici İşlər Nazirliyi, həm də Arif Məmmədovla əlaqə saxlamağa çalışsaq da, cavab əldə edə bilmədik.

Həmçinin oxuyun

Şimali Kipr Respublikasında Qarabağa dəstək mitinqi keçirilib –FOTO

Şimali Kipr Respublikasının Girnə şəhərində Azərbaycana dəstək vermək məqsədi ilə “Bir millət 3 dövlət” adlı …

Bir cavab yazın