Cümə axşamı , Noyabr 26 2020
Ana səhifə / Siyasət / Azərbaycanın Mariya Zaxarovası bəlli oldu – Leyla Abdullayeva

Azərbaycanın Mariya Zaxarovası bəlli oldu – Leyla Abdullayeva

Xarici İşlər Nazirliyinin (XİN) mətbuat xidmətinin rəhbəri vəzifəsinə yeni şəxs təyin edilib.

“Report” Xarici İşlər Nazirliyinin mətbuat xidmətinə istinadən xəbər verir ki, bu vəzifəyə Leyla Yaşar qızı Abdullayeva təyin olunub.

L.Abdullayeva 2002-ci ildən Xarici İşlər Naziriyində çalışır. O, XİN-in mərkəzi aparatında müxtəlif idarələrdə, Azərbaycan Respublikasının NATO yanında Nümayəndəliyində və ölkəmizin Belçika Krallığındakı Səfirliyi və Avropa İttifaqı yanında Nümayəndəliyində diplomatik vəzifələr daşıyıb.

Ovqat.com-un məlumatına görə, Leyla Abdullayeva ciddi diplomatik savadı və təcrübəsi olan kadrdır. Onun yeni vəzifəyə gətirilməsi səbəbsiz deyil. Azərbaycanın Mariya Zaxarovası xüsusilə Ermənistanla diplomatik savaşda yumşaq gücümüzü təmsil edəcək. Azərbaycan siyasi iradəsi Xarici İşlər naziri Elmar Məmmədyarovun zəifliyini Leyla xanımın qabiliyyəti ilə kompensasiya etməyə çalışacaq. Bəs, xanım diplomat bunu bacaracaqmı? – bunu əlahəzrət Zaman göstərəcək.

Qeyd edək ki, Leyla Abdullayeva bundan əvvəl Xarici İşlər Nazirliyi nəzdində Beynəlxalq İnkişafa Yardım Agentliyində (AIDA) direktor müavini və direktor işləyib.

Həmçinin oxuyun

Fransanın 8 senatoru Qarabağla bağlı qətnaməyə verdiyi səsi geri götürdü

Fransa Senatında qondarma “Dağlıq Qarabağ Respublikası”nın tanınması haqqında qətnaməyə səs verən bir sıra senatorlar səslərini …