Çərşənbə axşamı , Oktyabr 27 2020
Ana səhifə / Siyasət / “Azərbaycanda rayonlar ləğv edilsin” – TƏKLİF

“Azərbaycanda rayonlar ləğv edilsin” – TƏKLİF

“Deputat Vahid Əhmədovun Azərbaycanda rayonların ləğv edilib, yerində 12 iqtisadi zona yaradılması haqqındakı fikirlərini oxuyanda rəhmətlik Elmar Hüseynovla bu barədə düşüncələrimiz yadıma düşdü.

Hələ 2000-ci ildə biz bu barədə düşünürdük və 12 yox, 8 zona (mahal, vilayət və başqa cür adlandırılmasını vacib saymırdıq) nəzərdə tutmuşduq.

Səhv etmirəmsə, bu barədə o dövrlər nəşr etdirdiyimiz “Monitor” jurnalında, yaxud “Demokratik Azərbaycan”, “Bakinskiye Vedomosti”, “Bakinskiy Bulvar” qəzetlərində belə bir yazı da olmuşdu…”

Yenisabah.az xəbər verir ki, bunu hüquqşünas Aslan İsmayılov “Facebook” səhifəsində yazıb.

“Bu bölgünü biz aparanda tək iqtisadi tərəfləri yox, həm də siyasi tərəfləri düşünürdük.

Özü də ölkənin bu cür idarə olunmasında iqtisadi faydadan çox siyasi faydanın olacağını düşünürdük.

O dövrdə biz hesab edirdik ki, ölkənin bu cür idarə edilməsi demokratiyanın inkişafına təkan verəcək.

Belə ki, həmin 8 zonada seçkili orqanların olacağını və həmin orqanlara seçiləcək şəxslərin siyasi elitanın formalaşmasında böyük rollarının olacağını hesab edirdik.

Bizdə ən çox narahatlıq yaradan məqam o idi ki, bütün siyasi partiyaların liderləri Bakıda fəaliyyət göstərirdi və onların bölgələrdəki prosesləri tam dərk etmədiklərini düşünürdük.

Bu həm də yerlərdəki xanlıqların – icra başçıları institutunun ləğvi, minlərlə rüşvət mənbəyi olan məmurların fəaliyyətinin sonu və bələdiyyə sisteminə keçidin başlanğıcı olardı.

8 bölgədə seçkili orqanlar formalaşıb fəaliyyət praktikası toplayandan sonra ölkədə Parlament idarəçiliyinə keçilməsini zəruri sayırdıq.

Bölgünü də belə aparmışdıq: Abşeron, Salyan-Lənkəran, Sumqayıt-Qusar, Şəki, Gəncəbasar, Aran, Naxçıvan, Qarabağ zonaları.

Zonaların say məsələsi də sırf arifmetik hesablama deyildi. Bu həm də gələcəkdə ölkədə hansısa xoşagəlməz meyllərin qarşısını almaq məqsədi güdürdü.

Bu mövzuda müzakirəni çox faydalı sayıram. Ona görə bu gün də hesab edirəm ki, əgər elə bir bölgü aparılarsa 12 yox, məhz 8 bölgə barədə fikirləşmək lazımdır”, – A.İsmayılov qeyd edib.

Həmçinin oxuyun

Paşinyan özünü və erməni siyasi elitasını xilas etməyə çalışır

Rəsmi İrəvan döyüş meydanında darmadağın olan ordusunun real vəziyyətindən diqqəti yayındırmaq, öz daxili auditoriyasını sakitləşdirmək …