Bazar , Noyabr 29 2020
Ana səhifə / Siyasət / “Azərbaycanda məmurlar bizneslə məşğul olmalarını qanuniləşdirmək istəyirlər” – ŞOK AÇIQLAMA
????????????????????????????????????

“Azərbaycanda məmurlar bizneslə məşğul olmalarını qanuniləşdirmək istəyirlər” – ŞOK AÇIQLAMA

Modern.az saytının əldə etdiyi məlumata görə, ölkədə bizneslə məşğul olan vəzifəli adamlar bunu qanuniləşdirmək istəyirlər. Hətta bununla bağlı müəyyən addmların atıldığı, lakin sonda müsbət nəticə vermədiyi barədə xəbərlər var.

Milli Məclisin İqtisadi siyasət komitəsinin üzvü Vahid Əhmədov məsələlə ilə bağlı Modern.az saytına maraqlı faktlar açıqlayıb:

“Belə fikirlər formalaşdırmağa başlayıblar ki, məmurlar, icra başçıları bizneslə məşğul ola bilərlər. Hətta buna görə qanunda dəyişiklik də etmək istəyirdilər”.

Deputat qanuna belə bir dəyişiklik cəhdinin qəti əleyhinə olduğunu bildirib: “Bəzi insanlar qanuna bu dəyişikliyin qəbulunun tərəfdarı olsalar da, mən əleyhinəyəm. Hazırkı qanunla məmurlar, icra başçıları, Milli Məclisin deputatları biznes fəaliyyətilə məşğul ola bilməzlər. Mən də məhz bu qanunun tərəfdarıyam.
Kimlərsə yeni qanunla məmurlara bizneslə məşğul olmaq imkanı verilməsini istəyirlər. Mənim fikrimcə, biznes biznesdir, hökumət hökumət. Bunu birləşdirməyin yeri yoxdur”.

Vahid Əhmədov onu da vurğulayıb ki, hökumət adamı dövlətin işi, əhalinin rifah halının yaxşılaşdırılması, sosial vəziyyətin təmin edilməsilə məşğul olmalıdır: “Məmurun vəzifəsi budur. Eyni zamanda Azərbaycanda sahibkarlığın, biznesin inkişafı üçün şərait yaradılmalı, maneə törədilməməlidir. Bəzi məmurlar var ki, gizlin şəkildə bizneslə məşğul olurlar. Nəticədə  kifayət qədər kapital əldə edirlər. Mən o kapitalların leqallaşdırılmasının tərəfdarıyam ki, vəsait xaricə axmasın, Azərbaycanda qalsın. Düşünürəm ki, kapitalın leqallaşdırılması ilə bağlı qanun layihəsi qəbul edilməlidir. Qanunu da elə çərçivədə qəbul etmək lazımdır ki, dövlətin mənafeyinə ziyan gətirməsin”.

Həmçinin oxuyun

Fəxrizadənin müəmmalı qətli: İranla bağlı plan aktiv fazaya keçir… (TƏHLİL)

“Fəxrizadənin ölümü sırf İran ətrafında uzun müddət davam edən prosesin bir həlqəsi kimi dəyərləndirilməlidir”.Bunu Qaynarinfo-ya açıqlamasında …

Bir cavab yazın