Cümə , Oktyabr 23 2020
Ana səhifə / Siyasət / Azərbaycanda həbsdə olan partiya sədri azadlığa çıxdı – Məhkəmə qərarı (FOTO)

Azərbaycanda həbsdə olan partiya sədri azadlığa çıxdı – Məhkəmə qərarı (FOTO)

Bu gün Bakı Apellyasiya Məhkəməsində narkotik maddələrinin dövriyyəsində təqsirləndirilən Babək Ədalətli barəsində olan hökmdən verilən apellyasiya şikayəti üzrə məhkəmə prosesi başa çatıb.
Bu barədə “Report”a vəkil Elçin Sadıqov məlumat verib.
Vəkilin sözlərinə görə, hakim Faiq Qasımovun sədrliyi ilə keçirilən prosesdə qərar elan olunub.
Qərara əsasən, birinci instansiya məhkəməsinin çıxardığı hökm ləğv edilib. Məhkəmə onun barəsində bəraət hökmü çıxarıb.
Qeyd edək ki, B.Ədalətli 2013-cü il mayın 29-da polis əməkdaşları tərəfindən saxlanılıb. O, Cinayət Məcəlləsinin (CM) 234.4.3-cü (narkotik, külli miqdarda) maddəsi ilə ittiham olunub.
Bakı Ağır Cinayətlər Məhkəməsinin hökmü ilə onun barəsində CM-nin 234.4.3-cü maddəsi 234.1-ci maddəsinə tövsif olunaraq 2 il həbs cəzası verilib. Qərardan narazı qalan dövlət ittihamçısı apellyasiya protesti və təqsirləndirilən şəxs isə apellyasiya şikayəti verib.
Xatırladaq ki, B.Ədalətli Şah İsmayıl Xətai adına Azərbaycan Demokrat Partiyasının sədridir.

Həmçinin oxuyun

Putin: “Rusiya hər zaman təkcə Ermənistanla deyil, Azərbaycanla da xüsusi əlaqələrə malik olub”

“Rusiya hər zaman təkcə Ermənistanla deyil, Azərbaycanla da xüsusi əlaqələrə malik olub”. APA-nın Moskva müxbirinin …

Bir cavab yazın