Ana səhifə / Siyasət / Azərbaycan hökumətindən “qondarma soyqırımı” haqda – Rəsmi açıqlama

Azərbaycan hökumətindən “qondarma soyqırımı” haqda – Rəsmi açıqlama

“Almaniya Bundestaqının qondarma “erməni soyqırımı” ilə bağlı qərar verməsində ikili standartlı yanaşma özünü göstərir”.

“ Azinforum.az ” Trend-ə istinadən xəbər verir ki, bunu Azərbaycan Prezident Administrasiyası rəhbərinin müavini, Xarici əlaqələr şöbəsinin müdiri Novruz Məmmədov jurnalistlərə açıqlamasında deyib. O bildirib ki, birdən-birə bir ölkənin parlamenti yığışıb yekdilliklə qərar qəbul edirlər: “Bu məsələ ətrafında onların məlumatı var və ya yoxdur, təhlil aparıblar və ya aparmayıblar, arxivlərdə araşdırmalar olub, olmayıb, amma buna baxmayaraq, müəyyən fikirlərə düzəlişlər etməklə qərar qəbul edirlər”.

N.Məmmədov deyib ki, indiki vəziyyətdə bu cür atılan addımlar beynəlxalq münasibətlərin daha da gərginləşməsinə gətirib çıxarır: “Onlar sülhün, təhlükəsizliyin, sabitliyin möhkəmlənməsinə heç də xidmət etmir. Bu nöqteyi nəzərdən əlbəttə, mən demək istəyirəm ki, indiki dövrdə bu cür aparılan siyasət düzgün siyasət deyil. Düşünürəm ki, belə bir siyasətin əslində təməli elə 1990-cı illərin lap əvvəlindən ABŞ Konqresində Azərbaycana qarşı 907-ci düzəlişin qəbul edilməsi ilə başlayıb”.

N.Məmmədov deyib ki, burada da çox gülünc məsələ idi: “Azərbaycanın əraziləri işğal olundu və nəticə olaraq Azərbaycana qarşı belə bir düzəliş qəbul edildi. Bu, düzgün deyil”.

 

Həmçinin oxuyun

Bakı və Kreml Brüssel görüşündən narahatdır, ABŞ tənqidləri qəbul etmir

Vaşinqton Bakının aprelin 5-də Brüsseldə ABŞ, Avropa İttifaqı və Ermənistanın üçtərəfli görüşü ilə bağlı tənqidini …

Bir cavab yazın