26 avqust Ana Vətən Partiyasının sədri, Milli Məclisin deputatı, tarix elmləri doktoru, professor Fəzail Ağamalının 70 yaşı tamam olur. Azinforum.az bu münasibətlə partiya adından sədrə ünvanlanan təbriki təqdim edir:
“Hörmətli Fəzail müəllim!
Siz gənc yaşlarınızdan həyat və sağlamlığınızı təhlükə altına qoyaraq, Azərbaycanın azadlığı, müstəqilliyi uğrunda həmişə mübarizə aparmış və ölkəmiz müstəqillik əldə etdikdən sonra da onun qorunmasında əlinizdən gələni əsirgəməmisiniz.
Ana Vətən Partiyasının illər uzunu əldə etdiyi uğurlar Sizin adınızla, Sizin rəhbərliyiniz altında həyata keçirilən ardıcıl siyasətlə ayrılmaz şəkildə bağlıdır.
Əminik ki, Sizin gücünüz və enerjiniz, bundan sonra da, Ana Vətən Partiyasının inkişafına, dövlətçiliyimizin möhkəmlənməsinə, vahid Azərbaycan ideyalarına xidmət edəcəkdir.
Sizi yubiley yaşınız münasibətilə ürəkdən təbrik edir, Sizə uzun ömür, can sağlığı, cətin və şərəfli məsləkinizdə uğurlar arzulayır və daim yüksək zirvələrdə olmağınızı uca Tanrıdan diləyirik.
AVP mətbuat xidməti”