Cümə axşamı , Oktyabr 29 2020
Ana səhifə / Siyasət / Araz Əlizadə ilə Qüdrət Həsənquliyev arasında mübahisə yarandı

Araz Əlizadə ilə Qüdrət Həsənquliyev arasında mübahisə yarandı

“Bəzi deputatlar Qarabağ, müharibə məsələsində insanlarda ruh düşkünlüyü yaradırlar. Bəziləri deyirlər ki, gəlin filankəsə, filan dövlətə yalvaraq ki, bizim torpaqlarımızı qaytarsın. Biz kiməsə yalvarmamalıq”.

Bunu deputat Araz Əlizadə parlamentdə deyib. O qeyd edib ki, ölkə başçımız da bu məsələdə öz iradəsini, qətiyyətini ortaya qoyub: “Dəfələrlə deyib ki, lazım gəldiyi vaxt torpaqlarımızı güc yolu ilə də qaytara bilərik. Ona görə Oqtay müəllim sizdən xahiş edirəm ki, deputatlara göstəriş verəsiniz ki, insanlarda ruh düşkünlüyü yaradan fikirlər söyləməsinlər”.

Buna cavabında isə spiker Oqtay Əsədov bu məsələdə həddindən atrıq ehtiyatlı davranılmasının gərəkdiyini bildirib:

“Düzdür, mən kiməsə göstəriş verə bilmərəm ki, hansısa fikri söyləməsin, amma onu bilirəm ki, bu məsələdə kifayət qədər ehtiyatlı olmalıyıq. İndi mən çox məsələləri dilə gətirmək, debat açmaq istəmirəm, amma ehtiyatlı olmalıyıq”.

Araz Əlizadənin fikirləri isə Qüdrət Həsənquliyevi əsəbiləşdirib.

O qeyd edib ki, sentyabrın 15-də Bakıda möhtəşəm parad keçirildi. Bu parad müəyyən dairələrdə də qıcıq yaratdı. “O cümlədən Rusiya yönümlü deputatları da qıcıqlandırdı. Yəqin ki, Araz Əlizadəni də narahat edib. İndi bu cür çıxışları ilə Araz Əlizadə öz keçmişini və kimliyini unutdura bilməz. Biz bilirik ki, o 90- cı illərdə burada necə çıxış edib. Hansı işləri görüb və kimə bağlıdır”.

Yenidən müzakirəyə müdaxilə edən O. Əsədov isə belə deyib: “Çalışaq ki, bir-birimizə dözümlü olaq. Mən çalışıram ki, kiminsə xətrinə dəyməyim”.

Həmçinin oxuyun

Ermənistan 84 yaşlı Mişa Melkumyanı təhvil almaqdan imtina edib

Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb. Məlumatda …