Cümə , Dekabr 4 2020
Ana səhifə / Siyasət / 15 direktor, 13 direktor müavini, 2 müəllim işdən çıxarılıb

15 direktor, 13 direktor müavini, 2 müəllim işdən çıxarılıb

Ötən tədris ilində aparılmış araşdırmalar nəticəsində vəzifələrindən sui-istifadə etmə, neqativ hallarla bağlı paytaxtda Bakı Şəhəri üzrə Təhsil İdarəsinin 1 əməkdaşı, 15 təhsil müəssisəsinin rəhbəri, 13 direktor müavini, 2 müəllim, 1 laborant işdən azad edlib.

Bunu Bakı Şəhəri üzrə Təhsil İdarəsinin müdiri Məhəbbət Vəliyeva Bakı şəhəri təhsil işçilərinin sentyabr konfransında çıxışı zamanı deyib.

O qeyd edib ki, 2016-cı ilin 1 sentyabr tarixindən indiyədək idarənin Daxili nəzarət sektoruna müxtəlif təşkilat və vətəndaşlardan 426 müraciət daxil olub. Onlardan 416 müraciət əsaslandırılaraq müvafiq qaydada cavablandırılıb, 10 müraciət isə hazırda icraatdadır. Səlahiyyətlərində sui-istifadə, vəzifə səlahiyyətlərini aşma və digər neqativhallar nəticəsində 3 ümumitəhsil müəssisəsinin fəaliyyəti ilə bağlı toplanmış sənədlər aidiyyatı üzrə prokkurorluq orqanlarına gondərilib.

M.Vəliyeva qeyd edib ki, aparılan araşdırmaların nəticələri əsasında qeyd edilən şəxslərdən başqa, Bakı Şəhəri üzrə Təhsil İdarəsinin 1 əməkdaşı, 16 məktəb direktoru, 31 direktor müavini, 78 müəllim intizam məsuliyyətinə cəlb edilib, 3 direktor müavininə, 78 müəllimə xəbərdarlıq edilib.

M.Vəliyeva deyib ki, görülən tədbirlər nəticəsində artıq ödənilmiş 17030,86 manat məbləğin dövlə büdcəsinə qaytarılması təmin edilib(trend).

Həmçinin oxuyun

“Ümid edirik ki, vaksin tezliklə hazır olacaq” – Prezident

COVID-19 əleyhinə bir çox vaksinlərin tədqiqatının davam etdiyi bir vaxtda biz kliniki sınaqların uğurlu nəticələrini …

Bir cavab yazın