Bazar , Sentyabr 22 2019
Ana səhifə / Siyasət / “1 kq qarabaşaq 3 manat 80 qəpik qeyd olunub!” – İcra başçısı bağça müdirlərinə xəbərdarlıq etdi

“1 kq qarabaşaq 3 manat 80 qəpik qeyd olunub!” – İcra başçısı bağça müdirlərinə xəbərdarlıq etdi

Sumqayıt şəhər təhsil işçilərinin sentyabr konfransında çıxışı zamanı İcra Hakimiyyətinin Başçısı Zakir Fərəcov uşaq bağçalarında olan vəziyyətə də toxunub. Z. Fərəcov bu sahədə də problemlərin olduğunu diqqətə çatdırıb.
Qeyd edib ki, bağçalarda uşaqlara keyfiyyətsiz ərzaqlar verilir, nəzərdə tutulmuş ərzaq payı bağça müdirləri tərəfindən mənimsənilir:
“Uşaq bağçalarını gəzdim. 64 nömrəli bağçada oldum. Getdim ərzaq təminatını yoxladım. Qazanın ağzını açdım. Gördüm ki, kənarda az miqdarda qarabaşaq təmizləyirdilər. Soruşdum ki, bu nə qarabaşaqdır? İnanırsız o qarabaşağı heç toyuğa da verməzlər! Yararsız bir şey idi. Soruşuram ki, bu qarabaşağın qiyməti neçəyədir? Deyirlər ki, bazarda 90 qəpikdir. Mənə gətirib siyahı təqdim etdilər. Siyahıda qarabaşağın qiyməti 3 manat 80 qəpik göstərilib. Təsəvvür edin 1 kq qarabaşaq 3 manat 80 qəpik qeyd olunub! Toyuğun qiymətinə baxıram. 2 manat 40 qəpik olan toyuğun qiyməti 5 manat 60 qəpik qeyd olunub. Sonra da deyirik ki, biz uşaq böyütməliyik. Heç nəzərə tutulan ərzağın yarısını belə vermirlər! Bu uşaqdan biz nə gözləyirik? Bu uşaqdan necə gələcəyin əsgəri olacaq? Uşağa elə diqqət yetirərlər? İnid mən sual verirəm bu ərzağı verənə və uşaq bağçalarının müdirlərinə! Siz öz uşaqlarınıza, nəvələrinizə həmin ərzağı verərsiniz? Heç kim verməz! Olmaz belə şeylər!”.
Şəhər rəhbəri uşaq bağçalarının müdirlərinə də xəbərdarlıq edib: “Mən uşaq bağçalarının müdirlərinə də, ərzaq təminatı ilə məşğul olanlara da xəbərdarlıq edirəm! Uşaq bağçasına verilən ərzaq tam keyfiyyətli və qiymətəuyğun verilməlidir. Əgər eşitsəm ki, hansısa uşaq bağçasında bir dənə olsun belə düyü əksik verilib, uşağa verilməyib, həmin uşaq bağşasının müdiri məndən inciməsinlər! Heç kim uşağın yeməyinə əl vurmasın!”.
Z. Fərəcov onu da vurğulayıb ki, uşaq bağçalarının damları təmir olunmalı və bağçalar istilik sistemləri ilə təchiz edilməlidir. O, bununla bağlı göstəriş verdiyini də sözlərinə əlavə edib.

Həmçinin oxuyun

Erməni xanımlar və avropalı parlamentarlar (FAKTLAR)

Bu yaxınlarda ABŞ-ın nüfuzlu foreingpolicynews.org saytında erməni xanımları tərəfindən ələ alınmış avropalı deputatların fəaliyyəti barədə …

Bir cavab yazın