Bu gündən Silahlı Qüvvələrin bütün qoşun növləri üzrə keçirilən təlimlərinin ikinci mərhləsinə start verilir.
Müdafiə naziri Zakir Həsənov ANS-ə açıqlamasında bildirib ki, bu mərhələdə qoşun növlərinin praktiki tətbiqi həyata keçiriləcək.
Təlim atışlarında Silahlı Qüvvələrin müharibə vaxtı tətbiqi tam şəkildə icra olunacaq: “HHQ-ləri taktiki manevrlər edəcək və raket buraxılışlarını yerinə yetirəcəklər. Artilleriya zərbələri və havadan zərbələr olacaq. Bizim helikopter və təyyarələrimiz atışlar edəcək. Mühəndis istehkamçıları, kəşfiyyatçılar, xüsusi təyinatlılar qarşısında böyük vəzifələr qoyulub. Tam şəkildə biz Silahlı Qüvvələrin müharibə vaxtında tətbiqini bu təlimlərdə sınaqdan keçiririk”.