Cümə axşamı , Mart 28 2024
Ana səhifə / Müsahibə / Azərbaycanla Ermənistan arasında bayram atəşkəsi: hər iki tərəf razılaşdı

Azərbaycanla Ermənistan arasında bayram atəşkəsi: hər iki tərəf razılaşdı

ATƏT-in fəaliyyətdə olan sədrinin şəxsi nümayəndəsi Anjey Kasprişikin qarşıdan gələn Novruz və Pasxa bayramları günlərində Azərbaycan və Ermənistan arasında atəşkəs rejiminə riayət edilməsinə dair çağırışına hər iki tərəf müsbət cavab verib. Anjey Kasprşik bu çağırışla qoşunların təmas xətti boyu yenidən ağır silahların işə düşməsi ilə müşaiyət olunan toqquşmalardan sonra çıxış etmişdi.

Virtualaz.org xəbər verir ki, Ermənistan Müdafiə Nazirliyi bu gün yaydığı bəyanatında Kasprşikin çağırışına cavab olaraq “sərhəddə atəşkəs rejiminə ciddi əməl etməyə hazır olduqlarını” bildirib. “ATƏT sədrinin şəxsi nümayəndəsinin çağırışına reaksiya olaraq Müdafiə Nazirliyi bəyan edir ki, Ermənistan Silahlı Qüvvələri silahlı qarşıdurmada gərginliyin artmasına gətirib çıxara biləcək hər hansı addım atmayacaq və Ermənistan sərhədlərində atəşkəs rejiminə ciddi riayət edəcək. Bir şərtlə ki, Azərbaycan Silahlı Qüvvələri də bu çağırışa müsbət reaksiya versin”-bəyanatda deyilir.

Daha sonra Azərbaycan Müdafiə Nazirliyi Anjey Kasprşikin çağırışına münasibət bildirib. Nazirlikdən yayılan bəyanatda deyilir ki, Azərbaycan daima sülhsevər siyasət yeritməklə qoşunların təmas xəttində gərginliyin azaldılması üçün bütün lazımi addımları atır və münaqişənin həlli istiqamətində istənilən beynəlxalq qurumlarla səmərəli əməkdaşlığın tərəfdarıdır:

“Münaqişənin həllində yeganə gözləntimiz məsələyə ədalətlə yanaşmaqla torpaqlarımızın işğaldan azad edilərək ərazi bütövlüyümüzün təmin olunmasıdır.

Müdafiə Nazirliyi bildirir ki, Anjey Kasprşikin təklifini müsbət qarşılayır, qoşunların təmas xəttində təhlükəsizlik tədbirlərini gücləndirməklə Silahlı Qüvvələrimiz atəşkəs rejiminin pozulmaması məqsədilə lazım olan bütün tədbirləri görür və adekvat addımların atılmasını da ATƏT-in qarşı tərəfdən tələb etməsini gözləyir”.

Beləliklə, Kasprişikin bayram atəşkəsi çağırışına hər iki tərəf müsbət reaksiya verib və bu, əslində, 1994-cü ildə əldə edilən, ancaq faktiki olaraq işləməyən atəşkəs razılaşmasının məhdud müddətə də olsa yenilənməsi hesab edilməlidir. Lakin bir məqama diqqət yetirmək vacibdir: Ermənistan Müdafiə Nazirliyi atəşkəsə “Ermənistan sərhədləri boyu” ciddi əməl etməyə hazır olduğunu bildirir, bununla da Qarabağda atəşkəsə guya “qondarma dqr –in” cavabdeh olduğuna eyham vurur. Elədirsə Azərbaycan Silahlı Qüvvələri də Ermənistanla dövlət sərhədləri boyu atəşkəsə ciddi riayət edə bilər, ancaq Qarabağda erməni mövqelərinə zərbə endirsə o zaman Ermənistan MN ATƏT-ə şikayətlənməyəcək ki?

 

Həmçinin oxuyun

“Belə verilişləri hazırlayanlar papaqlarını qarşıya qoyub düşünməlidirlər, özlərinə çəki-düzən verməlidirlər”-Müsahibə

Zülfiyyə Eldarqızı: “Ailəsini, uşağını, ərini atıb gələn qadının saçını, qaşını düzəldib, iş tapıb onu ulduza …

Bir cavab yazın