Ana səhifə / Müsahibə / Zakir Həsənov yenidən cəbhə bölgəsindəki hərbi hissələrdə…

Zakir Həsənov yenidən cəbhə bölgəsindəki hərbi hissələrdə…

Müdafiə Nazirliyinin rəhbərliyi Ramazan bayramı münasibətilə cəbhə bölgəsində yerləşən hərbi hissələrdə olub.

Aziforum.az Müdafiə Nazirliyinin saytına istinadən bildirir ki, müdafiə naziri, general-polkovnik Zakir Həsənov və müdafiə nazirinin birinci müavini – Silahlı Qüvvələrin Baş Qərargah rəisi general-polkovnik Nəcməddin Sadıkov müdafiənin ön xəttindəki mövcud vəziyyətlə, döyüş hazırlığı, döyüş növbətçiliyinin yüksək səviyyədə təşkili və aparılması, o cümlədən hərbi qulluqçuların mənəvi-psixoloji durumu, sosial-məişət şəraiti ilə maraqlanıblar.

Müdafiə naziri əməliyyat şəraiti ilə yaxından tanış olub. Bayram münasibətilə şəxsi heyəti təbrik edən nazir onların bundan sonra da Azərbaycan Respublikası Konstitusiyasına, hərbi anda və nizamnamələrə sadiq qalaraq ölkəmizin ərazi bütövlüyünün bərpa edilməsi, torpaqlarımızın işğaldan azad olunması naminə xidməti borclarını şərəf və vicdanla yerinə yetirəcəklərinə, döyüş hazırlığı səviyyəsinin daha da artırılmasında səylə çalışacaqlarına əminliyini ifadə edərək, hərbi qulluqçulara möhkəm cansağlığı, uzun ömür, ailə səadəti və xidmətdə uğurlar arzulayıb.

Nazir eyni zamanda müdafiə xəttinin təkmilləşdirilməsi və döyüş qabiliyyətinin yüksəldilməsi ilə əlaqədar müvafiq tapşırıqlar verib. Sonda əsgərlərlə nahar edilib, ön xətdə döyüş növbəsi çəkən hərbi qulluqçularla çay süfrəsi arxasında söhbət aparılıb.

Həmçinin oxuyun

“Çoxları Müdafiə Nazirinin beynəlxalq şəraitlə bağlı bəyanatını doğru anlamamışdı…”

Son günlər Ermənistan ordusunun həm dövlət sərhədimiz, həm də işğal altında saxladığı torpaqlarımızla təmas xəttində …

Bir cavab yazın