Cümə axşamı , Noyabr 26 2020
Ana səhifə / Müsahibə / Şəhid zabitin əkiz övladlarından XƏBƏR VAR

Şəhid zabitin əkiz övladlarından XƏBƏR VAR

“Əkizlərimizin səhhəti şükürlər olsun ki, yaxşıdır. Yavaş-yavaş böyüyürlər. Mənim və oğlumun adını daşımaları çox qürurlandırır. Sağ-salamat böyüyüb ataları kimi bu vətənə xidmət etsinlər”.
Bunu Modern.az-a açıqlamasında bu ilin fevralında düşmən təxribatı nəticəsində şəhid olan Azərbaycan Silahlı Qüvvələrinin baş leytenantı Şahlar Nəzərovun atası bir müddət öncə dünyaya gələn əkiz nəvələrinin səhhəti barədə danışarkən deyib.
Yaşar Nəzərov onu da əlavə edib ki, vaxtaşırı kənd icra nümayəndəsi əkizlərlə maraqlanır.
“Əkizlər dünyaya gələndən sonra zəng edib təbrik edənlər çox oldu. Hər kəs sağ olsun ki, bu cür xoş günümdə məni tək qoymadılar. Sevincimə sevindilər. Vaxtaşırı icra nümayəndələri də uşaqların səhhəti ilə maraqlanır. Şükürlər olsun ki, uşaqların səhhəti qaydasındadır. Nə deyim, Allah qorusun!”.
Xatırladaq ki, 1990-cı ildə Yardımlı rayonunun Peştəsər kəndində doğulan Şahlar Nəzərov bu il fevralın 25-də Füzuli-Xocavənd istiqamətində, Nərgiztəpə ətrafında düşmən təxribatının qarşısını alarkən düşmənin çoxsaylı hərbçisini məhv edərək şəhid olub və doğma kəndində torpağa tapşırılıb. Qəhrəman zabitimiz şəhid olmazdan 5 ay öncə ailə həyatı qurmuşdu. Şahlar Nəzərov ölümündən sonra göstərdiyi qəhrəmanlığa görə “Şücaətə görə” medalı ilə təltif edilib.

Həmçinin oxuyun

“”Beşinci kolon”müqavimət göstərmək fikrində olsa da, heç nəyə nail ola bilməyəcəklər”

Azərbaycan Vətən müharibəsini zəfərlə başa vurdu. Müharibə bitsə də, Azərbaycana qarşı Ermənistanı dəstəkləməyə cəhd göstərən …

Bir cavab yazın