Bazar ertəsi , Noyabr 23 2020
Ana səhifə / Müsahibə / Nazir polkovniki rəis vəzifəsindən azad etdi

Nazir polkovniki rəis vəzifəsindən azad etdi

Müdafiə naziri Zakir Həsənov Hərbi Hava Qüvvələrinin Tibb Xidməti rəisi, tibb xidməti polkovniki Hörmət Əsgərovu vəzifəsindən qovub.

Aznews.az xəbər verir ki, polkovnikin gözlənilmədən vəzifəsindən kənarlaşdırılmasına səbəb onun rüşvət alması barədə səhih informasiyaların verilməsi olub. Məlumata görə, leytenant rütbəsi alan kursantlar arasından uçuş heyətinə keçirmək üçün bir nəfəri seçmək lazım imiş. H.Əsgərov seçim üçün leytenantların birindən müəyyən məbləğ alaraq, ona lazım olan tibbi arayışlarla birlikdə Kadrlar İdarəsinin rəisi Elşad Niyazova təqdim edib. Rəis isə bunu qəbul etməyərək, Hərbi Hava Qüvvələrinin komandanı, general-leytenant Ramiz Tahirova məruzə edib. Bundan sonra isə onun vəzifədən azad olunması barədə nazirə təqdimat yazılıb.

Maraqlıdır ki, polkovnikin əməllərində aşkarlanan nöqsanlarda cinayət tərkibi olsa da, bununla bağlı Hərbi Prokurorluq heç bir reaksiya verməyib. Sadəcə “Yoldaşlıq Məhkəməsi” çağırılaraq, onun nöqsanları sadalanıb və aşağı vəzifəyə təyin olunması barədə yuxarı instansiyaya müraciət ünvanlanıb.

Qeyd edək ki, H.Əsgərov komandan Ramiz Tahirovla yaxın dostdur. R.Tahirov Hərbi Hava Qüvvələrinin komandanı təyin olunan kimi Naxçıvan hərbi birləşmələrində xidmət aparan Hörmət Əsgərovu öz yanına gətizdirib, rəis vəzifəsi verdirib, sonra isə polkovnik rütbəsi verilib.

Həmçinin oxuyun

“”Beşinci kolon”müqavimət göstərmək fikrində olsa da, heç nəyə nail ola bilməyəcəklər”

Azərbaycan Vətən müharibəsini zəfərlə başa vurdu. Müharibə bitsə də, Azərbaycana qarşı Ermənistanı dəstəkləməyə cəhd göstərən …

Bir cavab yazın