Çərşənbə axşamı , Noyabr 24 2020
Ana səhifə / Müsahibə / Dedi ki, ad günümə gələndə bananlı tort bişirib gətirərsən – Şəhidimizin anası

Dedi ki, ad günümə gələndə bananlı tort bişirib gətirərsən – Şəhidimizin anası

Bu gün Şəhid əsgərimiz Elmar İlham oğlu Məmmədovun doğum günüdür.
Elmar Məmmədov 1996-cı il avqustun 18-də Göyçay rayonunda anadan olub. Ailəsi ilə Bakıya köçən Elmar Qaraçuxur qəsəbəsindəki 146 saylı orta məktəbdə və Sabunçu rayonundakı 67 saylı orta məktəbdə təsil alıb. Sonra Elmar Razin qəsəbəsində yerləşən 1 saylı liseydə neft operatoru üzrə təhsil alıb. 2015-ci ilin iyul ayında hərbi xidmətə yollanıb. Elmar Məmmədov 2016-cı ilin may ayının 1-də aldığı güllə yarasından qəhrəmancasına Şəhid olub.
Moderator.az-a açıqlama verən Şəhidimizin valideynləri Elmarsız çox çətin günlər yaşadığını bildiriblər. Anası Minarə xanım Elmar haqda bunları deyib:
“Bu gün Elmarın 21 yaşı tamam olur. O, Həmişə doğum gününə bir həftə öncədən hazırlaşırdı. Deyirdi ki: “ana, bir həftə sonra bu oğlanın doğum günüdür. Nə bişirəcəksən?”.  Axırıncı dəfə yanında olanda dedi ki: “mənə bananlı tort bişirib gətirərsən, amma elə böyük bişirərsən ki, hamıya çatsın”. Amma, qismət olmadı. (Ağlayır). Bu gün saat 17:00-da qəbr ziyarətinə gedəcəyik. Allah sizlərdən razı olsun ki, bizləri yada salırsınız. Sosial şəbəkədə fəallar Elmarın şəklini paylaşır, onun ruhuna dualar oxuyurlar. Allah hamınızdan razı olsun”.
Biz Moderator.az kollektivi olaraq Şəhidlərimizi və onların ailələrini həmişə diqqətdə saxlayırıq. Şəhidimiz haqda əməkdaşımızın hazırladığı geniş reprotajını da bu linkə daxil olmaqla oxuya bilərsiniz: moderator.az/news/160327.html
Allah bütün Şəhidlərimizə rəhmət eləsin!

Həmçinin oxuyun

“”Beşinci kolon”müqavimət göstərmək fikrində olsa da, heç nəyə nail ola bilməyəcəklər”

Azərbaycan Vətən müharibəsini zəfərlə başa vurdu. Müharibə bitsə də, Azərbaycana qarşı Ermənistanı dəstəkləməyə cəhd göstərən …

Bir cavab yazın