Cümə axşamı , Oktyabr 24 2019
Ana səhifə / Media / “Xanım teleaparıcılarımızda şitlik bir az çox olur”

“Xanım teleaparıcılarımızda şitlik bir az çox olur”

Milli Məclisin Mədəniyyət Komitəsinin sədri Nizami Cəfərov son günlər yenidən gündəmə gələn aparıcıların səviyyəsi və mədəniyyəti məsələsinə münasibət bildirib.

N.Cəfərov “Trend”ə açıqlamasında deyib ki, aparıcıların səviyyəsi və mədəniyyəti məsələsi həmişə problemdir.

Deputat qeyd edib ki, aparıcı televiziyanın simasıdır: “Bəd xəbər də olsa, şad xəbər də olsa aparıcının şəxsiyyəti olmalıdır, burada birinci növbədə televiziyanın siması müəyyənləşdirilir. İndi bizdə bu sahədə xüsusi bir məktəb yoxdur”.

Dünya praktikasından misal gətirən N.Cəfərov vürğulayıb ki, dünyada hər bir televiziyanın daxilində aparıcını yetişdirən məktəb var:

“Televiziyada aparıcıların üzərində hər zaman nəzarət olunur, o cümlədən onların hərəkətləri, reaksiyaları təhlil olunur. Düzdür, Azərbaycanda bu sahədə müəyyən qədər inkişaf var, amma buna baxmayaraq yenə də bu problem qalmaqdadır”.

N.Cəfərov bir məqama da toxunub. Bu da telekanalların aparıcıların ya müğənni, ya da incəsənət adamı olmasına üstünlük verməsidir: “Bu da istər-istəməz problem yaradır. Çünki bizdə deyim ki, bir çox müğənnilərin intellekt səviyyəsi çox aşağıdır. Çünki onlar aparıcılıq məktəbi görmürlər, sadəcə oxumaq istedadlarına görə gəlirlər və onların təfəkkürü lazımi zənginlikdə olmur. Yaşxı aparıcı olmaq üçün ictimai, siyasi, ideoloji təfəkkür lazımdır”.

N.Cəfərov onu da qeyd edib ki, aparıcılarda bir az şitlik çox olur, xüsusilə də qadın aparıcılarda: “Kişi aparıcılar nisbətən normaldırlar, müəyyən qədər gözləyirlər”.

Həmçinin oxuyun

KİVDF-yə gələn il üçün 4 milyon manatdan artıq vəsait ayrılacaq

Gələn il Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna (KİVDF) ayrılacaq …

Bir cavab yazın