Üç jurnalistin adı “qara siyahı”ya salınacaq

Azərbaycan daha üç nəfərin adını “arzuolunmaz şəxslər siyahısı”na daxil edəcək.  

Xarici İşlər Nazirliyi bildirir ki, Frankafoniya sammiti əsnasında güddüyü təxribatçı məqsədlərə nail ola bilməyən Ermənistan Frankofoniya Mətbuatı Beynəlxalq İttifaqının İdarə Keyətinin bəzi üzvlərini qanunsuz olaraq Azərbaycanın işğal olunmuş ərazilərinə səfərini təşkil edib:

“Jurnalist etikası və obyektivliyi prinsipinə zidd olaraq bu qanunsuz səfərdə iştirak edən Jan Kuşner, Fransua Dost və Xədicə Riduanın adları “arzuolunmaz şəxslər siyahısı”na daxil ediləcək”.