Bazar , Noyabr 29 2020
Ana səhifə / Media / Təhsil Nazirliyindən məktəblərdə keçirilən idman dərsləri ilə bağlı açıqlama

Təhsil Nazirliyindən məktəblərdə keçirilən idman dərsləri ilə bağlı açıqlama

Azərbaycan Təhsil Nazirliyi (TN) ölkənin orta məktəblərində fiziki tərbiyə dərslərinin keçirilməsi ilə bağlı mövcud vəziyyəti dəyərləndirib.

Təhsil Nazirliyindən Trend-in sorğusuna cavab olaraq, bildirilib ki, hazırda orta məktəblərin tədris planına uyğun olaraq, fiziki tərbiyə dərslərinin həftəlik dərs yükü 1-ci sinifdən 11-ci sinfədək 2 saatdır:

“Düşünürük ki, həftə ərzində bu fənnin 2 saat effektiv keçirilməsi yaxşı nəticələrə gətirib çıxara bilər”.

Nazirlikdən bildirilib ki, hazırda Azərbaycanın idman zalı olmayan məktəblərinin sayını konkret demək mümkün deyil:

“Çünki 2003-cü ildən başlayaraq, yəni son 10 ildən də artıq müddətdə Azərbaycanda 3000-dən çox ümumtəhsil məktəbi yenidən tikilib və ya əsaslı təmir edilib. Bu da o deməkdir ki, ən azı, 3000 məktəbin idman zalı fəaliyyət göstərir, yaxud da onların idman meydançaları yenidən qurulub, burada idman infrastrukturu ilə bağlı hər hansı iş görülüb. Azərbaycanın elə ümumtəhsil məktəbləri var ki, onların idman infrastrukturu ən müasir səviyyədədır. Şagirdlər onlardan istifadə edirlər. Belə məktəblərdə hətta yüksək səviyyəli yarışlar da keçirə bilərlər”.

Nazirlikdən deyilib ki, Azərbaycanın müstəqilliyi dövründə, xüsusilə son 10-15 il ərzində Azərbaycanda məktəb binalarının tikilməsi və yenidənqurulması zamanı idman infrastrukturunun qurulması nəzərə alınır. İdman infrastrukturunun yaradılması gələcəkdə məktəblərin təmiri zamanı da nəzərə alınacaq və təhsil sistemində idman infrastrukturuna diqqətin göstərilməsi siyasəti davam etdiriləcək.

TN-dən əlavə edilib ki, orta məktəblərdə fiziki hazırlıq yalnız idman zallarında deyil, həm də mövsümdən asılı olaraq, məktəblərin həyətlərində – stadionlarında keçirilə bilər. Hazırda da fiziki tərbiyə dərslərinin keçirilməsi üçün məktəblərin həyətlərindən və bu ərazilərdəki qurğulardan istifadə edilir.

Həmçinin oxuyun

“Gəncə və Bərdədə gördüyümüz səhnələr dəhşətli idi” – Fransalı jurnalist

Döyüş zonasından uzaqda yerləşən Bərdə bazarına kasetli bombalarla hücum edilmişdi. Bu, dəhşət idi, bomba heç …

Bir cavab yazın