“Space” teleradio şirkətinə yeni rəhbər təyin olunub.
Bakupost.az xəbər verir ki, bu vəzifəyə Əməkdar incəsənət xadimi, ssenarist, kinoprodüser Müşfiq Hətəmov təyinat alıb.
Yeni rəhbərliyi kollektivə MTRŞ-nın sədri İsmət Səttarov təqdim edib.
Qeyd edək ki, M. Hətəmov bu təyinatadək “Azərbaycanfilm” kinostudiyasının direktoru (2011–2019), Kinematoqrafiya şöbəsinin müdir müavini, Azərbaycan Prodüserlər Gildiyasının sədri vəzifələrində işləyib.
Xatırladaq ki, 2006-2021-ci illərdə “Space”in rəhbəri vəzifəsində çalışan Vaqif Mustafayev bu ilin əvvəlində işdən çıxarılıb. Daha sonra şirkətin rəhbər vəzifəsinin müvəqqəti icrası televiziyanın baş prodüseri Kamil Şahverdiyevə tapşırıb. May ayının 5-də isə “Space” teleradio şirkətinə Ülviyyə Mikayılova təyinat alsa da, beş gün sonra o, tutduğu vəzifədən istefa verib.