Çərşənbə axşamı , Noyabr 12 2019
Ana səhifə / Media / Şirkət rəhbərləri hökmdən narazıdırlar – Məhkəmə olacaq

Şirkət rəhbərləri hökmdən narazıdırlar – Məhkəmə olacaq

Mənimsəmədə təqsirləndirilən şirkət rəhbərləri barələrində olan hökmdən apellyasiya şikayəti veriblər.

Femida.az-ın məlumatına görə, “İnteralyans” MMC təsisçisi Cavidan Hacıyev və “Meridian Company” MMC-nin təsisçisi və direktoru Rauf Kərimovun apellyasiya şikayəti üzrə məhkəmənin ilkin baxış iclası martın 3-nə təyin edilib.

İşə Bakı Apellyasiya Məhkəməsində hakim Həsən Əhmədovun sədrliyi ilə baxılacaq.

Bakı Ağır Cinayətlər Məhkəməsinin hökmü ilə Rauf Kərimov 13 il 11 ay, Cavidan Hacıyev isə 10 il müddətinə azadlıqdan məhrum ediliblər. Hər iki şəxsin mülkləri müsadirə olunmaqla, zərərçəkmiş tərəfə ödənilməsi haqqında qərar verilib. Apellyasiya şikayətində onlar cəzalarının azaldılmasını istəyiblər.

Baş Prokurorluğun mətbuat xidmətinin yaydığı xəbərə görə, “Bank Technique” Açıq Səhmdar Cəmiyyətinə (ASC) daxil olmuş material üzrə Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin 179.3.2 (mənimsəmə və ya israf etmə) və 308.2-ci (vəzifə səlahiyyətlərindən sui-istifadə etmə) maddələri ilə cinayət işi başlanıb.

İstintaq zamanı “İnteralyans” MMC-nin təsisçisi Cavidan Hacıyevin xidməti vəzifələrinin icrası ilə əlaqədar özü və üçüncü şəxslər üçün qanunsuz üstünlük əldə etmək məqsədi ilə “Transalyans”, “Qarant-Ko” MMC və digər şirkətlər yaratmaqla onların adına “Bank Technique” ASC-dən müxtəlif vaxtlarda hissə-hissə cəmi 18 milyon 715 min 552 manat, “Meridian Company” MMC-nin təsisçisi və direktoru Rauf Kərimovun eyni üsulla müxtəlif vaxtlarda hissə-hissə 25 milyon 756 min 547 manat məbləğində kredit rəsmiləşdirməklə götürüb mənimsəmələrində, habelə Cəmiyyətin qanuni mənafelərinə mühüm zərər vurmalarında şübhələr üçün əsaslar olduğundan onlara Cinayət Məcəlləsinin qeyd olunan maddələri üzrə ittiham elan edilib.

Həmçinin oxuyun

Eldarla Nigar AzTV-də aparıcılıq edəcək

“Eurovision-2011” qalibləri Nigar Camal və Eldar Qasımov yenidən bir araya gəliblər.“Qafqazinfo”nun məlumatına görə, onlar Azərbaycan …

Bir cavab yazın