Cümə axşamı , Mart 28 2024
Ana səhifə / Media / Siqaret qadağasını pozan teleradio yayımçıları cəzalandırılır

Siqaret qadağasını pozan teleradio yayımçıları cəzalandırılır

Milli Televiziya və Radio Şurasının (MTRŞ) növbəti iclası keçirilib.
MTRŞ-dən verilən məlumata görə, yığıncaqda teleradio yayımçılarının yeni mövsümə hazırlıq vəziyyəti, “Tütün məmulatlarının istifadəsinin məhdudlaşdırılması haqqında” 1 dekabr 2017-ci il tarixli Azərbaycan Respublikası Qanununun və kabel şəbəkəsi (İP TV) yayımı zamanı qanunvericiliyin icra vəziyyəti müzakirə edilib.

İclasda “Tütün məmulatlarının istifadəsinin məhdudlaşdırılması haqqında” 1 dekabr 2017-ci il tarixli Azərbaycan Respublikası Qanununun 12.2, 14.1.4-cü maddələrinin tələblərinin teleradio yayımçıları tərəfindən icra edilmədiyi vurğulanıb, edilmiş xəbərdarlıqdan sonra müvafiq tədbirlərin görülmədiyi təqdirdə inzibati tənbeh tədbirlərinin tətbiq edilməsi məqsədəmüvafiq hesab edilib.

Yığıncaqda eyni zamanda kabel şəbəkəsi yayımçıları tərəfindən teleradio təşkilatlarının razılığı olmadan onların verilişlərindən (proqramlarından) istifadə edilməsinə və ya mülkiyyətçilərin razılığı olmadan proqramların (verilişlərin) yayımlanmasına, köçürülməsinə (tirajının çoxaldılmasına), satılmasına və ya kütləvi nümayişinə görə inzibati tənbeh tədbirlərinin tətbiq edilməsi ilə bağlı məsələ müzakirə edilib.

Həmçinin oxuyun

Miyatoviç Azərbaycan hakimiyyətini ifadə azadlığını boğmaqda günahlandırır

Avropa Şurasının İnsan Hüquqları üzrə Komissarı Dunya Miyatoviç Azərbaycanda jurnalistlərə və fəallara qarşı “artan repressiyalardan” …