Cümə axşamı , Mart 28 2024
Ana səhifə / Media / Sayt, qəzet, televiziya və radiolardakı monitorinqlərin nəticələri nə vaxt elan olunacaq? – AMEA əməkdaşı açıqladı

Sayt, qəzet, televiziya və radiolardakı monitorinqlərin nəticələri nə vaxt elan olunacaq? – AMEA əməkdaşı açıqladı

“Azərbaycan Milli Elmlər Akademiyasının Nəsimi adına Dilçilik İnstitutunun Monitorinq şöbəsi radioların Azərbaycan ədəbi dilinin normalarına əməl edib-etməməsini öyrənmək məqsədi ilə monitorinqə başlayıb”.
Bunu “Report”a açıqlamasında şöbənin müdiri Sevinc Əliyeva deyib.
O bildirib ki, institut daimi olaraq monitorinqlər aparır: “Bütün radiolar monitorinqə cəlb olunub. Çalışırıq, əsasən, geniş tamaşaçı auditoriyası olan verilişlərin monitorinqini aparaq”.
O qeyd edib ki, institut bütün kütləvi informasiya vasitələrində ədəbi dilin normalarına əməl edib-etməməsini öyrənmək üçün monitorinqlər aparır: “İlin axırına kimi kütləvi informasiya vasitələri ilə bağlı olan, yəni həm sayt, həm qəzet, həm televiziya, həm radioların dili ilə bağlı aparılan monitorinqlərin nəticələrini elan etmək üçün konfrans keçirəcəyik. Amma bu dəfəki konfransı fərqli edəcəyik, çalışacağıq problemləri canlı, müzakirə formasında təşkil edək. Nəticələri elan etməkdən çox, problemlərin həlli yollarını tapmağa çalışacağıq. Çünki eyni şeylər illərlə təkrar olunur”.

Həmçinin oxuyun

Miyatoviç Azərbaycan hakimiyyətini ifadə azadlığını boğmaqda günahlandırır

Avropa Şurasının İnsan Hüquqları üzrə Komissarı Dunya Miyatoviç Azərbaycanda jurnalistlərə və fəallara qarşı “artan repressiyalardan” …