Samirə Mustafayeva: “Kişilər belə botoks etdirirsə, qadınlar niyə etməsin?”

Azərbaycan teleməkanında görünüşündəki dəyişikliyi ilə ən çox müzakirə olunan aparıcı Samirə Mustafayeva Baku TV-nin “Həmişə gözəllikdə” verilişinin qonağı olub.

Burnunu və dişini estetik əməliyyat etdirdiyini deyən aparıcı kosmetoloji prosedurları birmənalı qarşılamayanlardan şikayətlənib:

“İnsan niyə vaxtından əvvəl qoca görünməlidir?! Bu gün kişilər belə botoks etdirirsə, qadınlar niyə etməsin?!”.

Televiziyadan uzaqlaşdıqdan sonra gözəllik salonu açmasından bəhs edən S. Mustafayeva oraya müştəridən çox tamaşaçının gəldiyini qeyd edib.