Azinforum.az İnformasiya Portalı Onlayn Xəbər Portalı
“Azerbaijan Changing DiabetesTM Awards 2018” adlı layihə çərçivəsində yaradılmış müşavirə şurasının ekspertləri ölkədə şəkərli diabetlə mübarizə sahəsində fəaliyyət göstərən, bu istiqamətdə müxtəlif təşəbbüslərin müəllifi olan, şəkərli diabetlə mübarizədə innovativ yanaşmaların tətbiqi ilə fərqlənən, eləcə də maarifləndirmə işləri aparan insanların mükafatlandırılmasına qərar verib.
Musavat.com-a verilən məlumata görə, müşavirə şurasının ekspertlərinin qərarı ilə “Azerbaijan Changing DiabetesTM Awards 2018” layihəsi çərçivəsində 4 nominasiya üzrə mükafatların təqdim olunacaq ki, bunlardan biri də İlin Ən Yaxşı Jurnalisti nominasiyasıdır.
Bu nominasiyada şəkərli diabet ilə mübarizəyə dair məqalə müəllifləri, eləcə də diabet problemlərinin obyektiv işıqlandırılması və həlli yolunda fəallıq göstərən jurnalistlərə üstünlük veriləcək.
Müraciətlər 2018-ci ilin sentyabr ayının 13-dən 5 oktyabra qədər [email protected] ünvanına qəbul ediləcək. Ötən il mükafatlandırılan iştirakçılar 2018-ci ilin müsabiqəsində iştirak edə bilməzlər.
Sizi aktiv olmağa və bu müsabiqədə iştirak etməyə çağırırıq.
