Çərşənbə axşamı , Sentyabr 17 2019
Ana səhifə / Media / Sərxoş sürücü polislə mübahisə etdi: “2 bokal pivə ilə nə olur?”

Sərxoş sürücü polislə mübahisə etdi: “2 bokal pivə ilə nə olur?”

Sürücü məsuliyyətsizliyinin gətirdiyi bəlalardan kifayət qədər söz açmışıq. Ancaq görünən odur ki, nəticə çıxarmayanlar, başqasının həyatını heçə sayanlar hələ də var. Sumqayıt şəhər Dövlət Yol Polisi İdarəsinin əməkdaşları belə sürücülərdən birini saxlayıblar. Onun sərxoş vəziyyətdə mikroavtobus idarə etdiyi məlum olub.

Bakı – Sumqayıt marşrutu ilə hərəkət edən mikroavtobus Dövlət Yol polisi əməkdaşları tərəfindən sürət həddini aşdığına görə saxlanılıb. Məlum olub ki, içərisində 11 sərnişin olan avtobusun sürücüsü 41 yaşlı Rövşən Əliyev spirtli içki qəbul edib.

Sürücü Rövşən Əliyev iki şüşə pivə qəbul etdiyini etiraf etsə də, sərxoş olmadığını idda edib.

Rövşən Əliyev (sürücü): “2 bokal pivə ilə nə olur? Çox olur bəyəm? Mən axşamdan 2 butılka içmişəm”.

Sərxoş vəziyyətdə sərnişindaşıma ilə məşğul olan sürücüyə qarşı qanunun tələblərinə uyğun olaraq müvafiq tədbirlər görüləcək. Xatırladaq ki, mart ayında eyni marşrutla hərəkət edən “Ford” tranzit markalı avtobus sürücüsünün sürət həddini aşması və ötmə əməliyyatını düzgün həyata keçirməməsi nəticəsində 6 nəfər dünyasını dəyişib.

Həmçinin oxuyun

Əflatun Amaşov Ümumdünya Mətbuat Şuraları Assosiasiyası sədrinin birinci müavini seçilib

Sentyabrın 12-13-də Bakıda Ümumdünya Mətbuat Şuraları Assosiasiyasının illik toplantısı keçirilib.Mia.az Mətbuat Şurasına istinadla xəbər verir ki, …

Bir cavab yazın