Cümə , Noyabr 22 2019
Ana səhifə / Media / Rusiyalı aparıcılar Bakını gəzərək çatışmazlıqları üzə çıxarıblar

Rusiyalı aparıcılar Bakını gəzərək çatışmazlıqları üzə çıxarıblar

Məşhur rusiyalı aparıcılar Ruslan Usaçev və Mixail Kşiştovski öz “Pora valit” (“Aradan çıxmaq vaxtıdır”) səyahət şousunun növbəti buraxılışını Azərbaycana həsr ediblər və səyahət zamanı nələrdən xoşlanmadıqlarından danışıblar.

Sputnik Azərbaycan-ın məlumatına görə, verilişin buraxılışı layihənin YouTube sosial şəbəkəsindəki səhifəsinə yerləşdirilib. Aparıcılar İçərişəhər, Heydər Əliyev Mərkəzi, Xalça muzeyi, Yanardağ, palçıq vulkanı, həmçinin Bakı ətrafını ziyarət ediblər. Onlar etiraf ediblər ki, şəhərin gözəlliyinə valeh olublar, bununla belə, çatışmazlıqları da qeyd etməyi unutmayıblar.

“Şəhərin mərkəzində bütün binaların üzlükləri eyni rəngdədir, buna görə də hamısı standartlaşdırılmış kimi görünür. Bununla əlaqədar olaraq, Bakıda istiqamətləri müəyyənləşdirmək çətindir. Çox saxta, plastik və turistik görünürdü”, – deyə aparcılar bildiriblər.

Onlar qeyd ediblər ki, Bakıda ən çətin şey plastik kartları qəbul edən mağazalar tapmaq idi.

“Şəhər gözəldir, görməli yerlərin yarısını çəkmək olmaz, şəhərin ətrafı isə sərhadır”, – deyə aparıcılar bildiriblər.

Aparıcılar Ruslan Usaçev və Mixail Kşiştovski müxtəlif ölkələrə səyahət edirlər və verlişdə öz təəssüratlarını bölüşürlər. Onlar həmçinin videoblogerliklə də məşğul olurlar.

Həmçinin oxuyun

Jurnalistin şantajla bağlı şikayəti əsassız olduğu üçün rədd edilib

Bir neçə ay bundan əvvəl “Sputnik” informasıya agentliyində muxbir işləyən, Jurnalist İradə Cəlil Baş prokurorluq …