Cümə axşamı , May 26 2022
Ana səhifə / Media / Roskomnadzorun Oxu.Az-a tuşlanmış qanunsuzluğu: Sayt Rusiyada bloklandı

Roskomnadzorun Oxu.Az-a tuşlanmış qanunsuzluğu: Sayt Rusiyada bloklandı

Oxu.Az saytına Rusiya ərazisində blok qoyulub.

Bu qərar Roskomnadzor (Rabitə, İnformasiya Texnologiyaları və Kütləvi İnformasiya Vasitələrinə Nəzarət Federal Xidməti) tərəfindən verilib. Saytın redaksiyasına heç bir məlumat, xəbərdarlıq edilmədən atılan bu addım birbaşa söz azadlığına, demokratiyaya, plüralizmə zidd hesab olunur.

Qeyd edək ki, Azərbaycanın ən oxunaqlı xəbər saytlarından olan Oxu.Az heç bir zaman yalan, dəqiqləşdirilməmiş, həqiqətə uyğun olmayan məlumatlar yaymayıb. Bu baxımdan Roskomnadzorun belə addım atması olduqca qərəzli və qanunsuzdur.

Xatırladaq ki, Oxu.az iki dildə – Azərbaycan və rus dillərində fəaliyyət göstərir. Bu baxımdan verilmiş qərarı həm də Oxu.Az-ın Rusiyadakı oxucularına qarşı hörmətsizlik hesab etmək olar. Sayt olaraq həm Roskomnadzoru, həm də Azərbaycanın Rusiyadakı Səfirliyini məsələyə yenidən nəzər salmalarını, baş vermiş bu qərəzli hadisənin təkrar qiymətləndirilməsini istəyirik.

Ən azından yaranmış vəziyyətlə bağlı Oxu.Az-a rəsmi məlumat vermələrini tələb edirik. İnanırıq ki, bu qanunsuz qərar ciddi müdaxilə, məsuliyyətli yanaşma nəticəsində ləğv olunacaq.

Həmçinin oxuyun

Rövşanədən SƏRT REAKSİYA: “Getsin ayağını yusun, suyunu da içsin…”

“Kimsə kişi ilə münasibətini bu cür qurursa, öz işidir. Lakin bu fikir bütün xanımlara şamil …