Çərşənbə axşamı , Yanvar 26 2021
Ana səhifə / Media / Qaz idarəsindən vətəndaşa saymazyana sayğac cavabı

Qaz idarəsindən vətəndaşa saymazyana sayğac cavabı

“Avqustun 6-da küçəmizdə yol-nəqliyyatı hadisəsi baş verib. Nəticədə küçədəki qaz xətti və bizim evin qaz sayğacı sıradan çıxıb. Əsl problemlərimiz də bundan sonra başlayıb”.

Bunu virtualaz.org saytına ünvanlandığı şikayətində Nizami rayonu, Keşlə qəsəbəi, Qurban Sadıq küçəsi, 18-də yaşayan Fuad Nuruzadə bildirib.

Şikayətçinin sözlərinə görə, qəza hadisəsi aktlaşdırılıb, qəzaya səbəb olan sürücüdən izahat alınıb: “Sakinlərin şikayətindən sonra qaz xətti bərpa edildi. Mənə isə sayğacım sıradan çıxdığı üçün hələ də qaz verilmir. Nizami Rayon Qaz İstismarı İdarəsinə dəfələrlə müraciət etmişəm. İdarədən deyirlər ki, get sürücünü axtar tap, ondan sayğacının pulunu al, sonra sənə qaz verək. Və ya polisə şikayət et, sürücü həbs olunandan sonra sayğac quraşdıraq. Axı günahkarı axtarmaq mənim vəzifəm deyl”.

F.Nuruzadə qeyd etdi ki, ayın 6-dan indiyədək hər gün qaz idarəsinə, “Azəriqaz” İstehsalat Birliyinə ayaq döyür. Lakin şikayətinə baxılmır. Qəzanı törədən sürücünü isə tapa bilmir.

Nizami Rayon Qaz İstismarı İdarəsindən isə virtualaz.org saytına bu şikayətdən xəbərdar olmadıqlarını, buna görə də münasibət bildirməyəcəklərini dedilər.

Həmçinin oxuyun

Əli Həsənovun jurnalisti şantaj etməsinə reaksiya: “Görün, qafası dünən necəymiş…“

Prezidentin keçmiş köməkçisi Əli Həsənovun adı ətrafında növbəti dəfə qalmaqal yaranıb. Belə ki, Həsənov bu …

Bir cavab yazın